miércoles, 31 de diciembre de 2008

50 años de revolución cubana.



El 1 de xineru de 1959 la revolución socialista cubana trunfó na isla caribeña cuando nesa dómina'l dictador Fulgencio Batista foi derrocau del poder poles fuercies guerrilleres comandaes por Fidel Castro y Ernesto " Che " Guevara lo que fizo que reinare'l xúbilu ente tola población de la isla qu'echose a la cai en masa.

50 años dempués los cubanos cellebrarán el 50 cabudañu de la revolución mezandolo coles tradicionales folixes de fin d'añu. Esta cellebración quier tener en cuenta la serie d'esitos y avances nel procesu social y revolucionariu cubanu a la par de una güeyada al futuru con bones espeutatives y cola firme idega ente tol pueblu de Cuba de continuar col socialismu como mediu d'esistencia y forma de vivir. L'actu políticu principal sedrá'n Santiagu de Cuba.

La " Buyada Purpurina" pa Graciano Torre.


El Conseyeru d'Industria ganó l'antipremiu ecoloxista al que tamién taben nominaos con méritos abondo Victorino Alonso, el Puertu d'Avilés, Arcelor, Ence-Ceasa, la Patronal de la Construcción, Comisión Europea.

Esti domingo 28 d'avientu, el xuráu de la Coordinadora Ecoloxista d'Asturies escoyóse al Conseyeru d'Industria y Emplegu, por ser responsable de que se tramite de forma llegal y non tan llegal numberoses instalaciones con grave impactu ambiental nel país; mines a cielu abiertu, canteres, escombreres, parque eólicos, antenes de telefonía móvil, llíneas lléutriques, subestaciones y el plan de gas, etc.

Todo ello contaminando más nuestro paisaje y el entorno en que vivimos miles de asturianos que viven en la proximidad de estas instalaciones. Además desde el engaño continuo que realiza y la presión a quienes nos oponemos a sus disparatados planes, con toda clase de insultos y descalificaciones a quienes solos nos oponemos a proyectos disparatados que en otros muchos sitios no pasarían ningún filtro, aquí casualmente son admitidos.

Graciano Torre "Chano" ye responsable nun solo d'Industria "que ye un coladeru", sinon tamién de Direición de Mines, encargáu de supervisar les esistentes y les sos restauraciones "que brillen pola so ausencia", namás hai que ver el cúmulo de denuncies de les esplotaciones esistentes (mines, canteres, graveres, etc.) "qu'incumplen de forma sistemático los sos planes d'esplotación y les meyores asociaes.

El mesmu Conseyeru que vien diciendo que si nun se ponen les llínies d'alta tensión, tendremos qu'allumar con veles, "perlles como estes son les que diz el talante de semeyante políticu pa encubrir los impautos d'estes llínies que'l so propiu partíu nun quier pa Lleón y él quier imponénos n'Asturies.

Tamién ye responsables del serviciu de Mines que nun dixo res de los proyeutos de cielu abiertu "que'l capo de la mafia Victorino Alonso quier facer pa Tinéu, un personaxe de sobra conocíu per onde pasa coles sos esplotaciones qu'acaben abandonaes y ensin restaurar".

Torre defende la pelligrosa Regasificadora de Xixón escaeciendo los riesgos d'esta instalación nuna fastera urbana. N'ochobre de 2007 dixo a los vecinos que tovieren tranquilos que les regasificadores son “instalaciones casi urbanes” y que nun suponíen nengún riesgu. L'espertu Anderson Jacintho, direutor del área de seguridá de American Bureau of Shipping (ABS), declaro nun va muncho que'l riesgu d'un españíu en regasificadoras ye'l motivu de qu'EEXX impida la instalación d'estes plantes cerca de poblaciones.

Torre tamien defende la instalación de las térmiques de gas que nun quieren n'otros llaos, nun país como'l nuesu "que produz mas del doble de la enerxía lléctrico que consume" .

Dende'l xuráu esperen qu'esti “gallardón” aíde al señor Graciano Torre "a que tenga más sensibilidá cola natura asturiano anque en vista de la so actitú somos pocos optimistes. Esperemos que los asturianos obliguemos a esi cambiu de xestión tan necesaria".



Estrayiu d'Infoasturies.

martes, 30 de diciembre de 2008

Conciertu y manifestación en sofitu a Fer.

El prosimu Sabadu 3 de Xineru el Muerganu antirrepresivu popular SOFITU convoca una manifestación y un conciertu escontra’l xuiciu a Fer, l’audiencia nazional española y la llei antiterrorista. La manifestación tién salida a les 17:30 de la plaza’ l’Humedal y faera un percorríu peles cais de Xixón. Darreu, a les 19:00, SOFITU entama un conciertu antirrepresivu pa facer frente a los descomanaos gastos que representa defender a Fer na audiencia nazional d’españa y tolos gastos que vién teniendo SOFITU a lo llargo l’añu (mas de 6000 euros en multes pagaos). El preciu la entrada ye de 5 euros y van actuar CHALANERU SKA, ADIZIÓN ETILIKA, FALA NON CADUCA, GOMERU y un GRUPU CONVIDAU nel salón d’actos de la CASA SINDICAL. Habrá bebora y xinta. El grupu convidau son Spittin Rage.


Estrayiu de www.nodo50.org/sofitu

domingo, 28 de diciembre de 2008

L'estau neonazi d'Israel asesina con total complicidá de la comunidá internacional.

La matanza fecha ayeri en Gaza por parte del estau sionista israelí amuesa de nueu la complicidá y l'apoyu que recibe Israel y sos armes por parte d'occidente. Calculase qu'alrodiu de 200 persones fueron asesinaes nuna nueva matanza sionista sobre'l pueblu palestín.

¡ Puxa Palestina llibre !

Sobre les entraes del partiu de h.oquei d'esti llunes.


ÉNTE LA IMPOSIBILIDÁ DE CONSIGUIR LES ENTRAES PAL PARTÍU QUE LA SELEICIÓN NACIONAL DE H.OQUEI DISPUTARÁ ESTI 29 D'AVIENTU, EL COLEUTIVU D'AFICIONAOS ASTUR HINCHES FAE PÚBLICU LO QUE VIEN DARRÉU:

Astur Hinches comunica a tola afición asturiana'l llentu ritmu que ta llevando la venta d'entraes por mor de la neglixencia d'aquellos destinaos a ufriles. Dende'l coleutivu hincha mos ye menester facer saber a la totalidá de los aficionaos y aficionaes asturianos que nin na Casa Conceyu de Mieres y na Universidá de la villa minera, nin na sée nacional de la Federación n'Uviéu, s'alcontró personal disponible a lu llargu tola selmana presente pa entregar les entraes a los aficionaos interesaos n'acudir al alcuentru del llunes 29 d'avientu nel polideportivu nuevu Visiola Rollán de Mieres.

Énte esta vergoñosa situación, Astur Hinches añadirá al motivu de la concentración del prósimu llunes delantre del polideportivu mieresín, la neglixencia ya incompetencia de los organizadores, incapaces d'establecer puntos de venta fixos y seguros con un horariu establecíu pa tolos interesaos ya interesaes en dir a ver a la seleición asturiana de h.oquei, por una vez al añu.

Con esto, dende AH animamos a tola xente con porgüeyu de ver a la seleición nacional de h.oquei, a dir el llunes 29 d'avientu a la concentración que tendrá llugar a les 19:00 y al posterior partíu a les 20:15, onde probatiblemente puedan consiguise entraes pal esperáu partíu, dáu la esistencia entá de bon númberu de places llibres.

sábado, 27 de diciembre de 2008

Muerre un mozu na comisería de la policia de Xixón con señales de que recibió una paliza.


Un mozu de 22 años fallez nos calabozos de la comisaría de Xixón. La policía llocal qu'arrestolu por robar nun llocal de Natahoyo diz que la so muerte foi provocada por " causes naturales" mentantu que los pas piden una investigación ya que'l cuerpu'l xoven tien delles señales de que llevó una paliza de muerte y esperarán a la autopsia del cadaver.

El mozu taba cometiendo un robu emplegando al paecer amenaces y la fuercia y foi sorprendiu pola policia llocal la cual detúvolo y llevolu a la comisaría del conceyu xixonesl. Los pas aseguren "qu'esto nun va quedar asina " y van facer tolo posible por llegar a amosar la verdá del casu y que foi apalizau pola policía. Una vegada más hasta que demuestrese lo contrariu l'estau español emplega l'asesinatu y el terrorismu dende les sos instituciones pa puxar pola " paz y orden"...







Esti fechu dende tolos movimientos antirepresivos del país paez merecer una rempuesta contundente escontra tola maquinaria represiva española.

¡Queremos saber la verdá!

Non al terrorismu d'estau.

viernes, 26 de diciembre de 2008

Comunicáu d'Astur Hinches


COMUNICÁU D’ASTUR HINCHES CON MOTIVU DEL PARTÍU DE LA SELEICIÓN NACIONAL D'H.OQUEI PROGRAMÁU PAL 29 d’AVIENTU EN MIERES

Con motivu del eventu convocáu pal 29 d’avientu nel Polideportivu Nuevu Visiola Rollán de Mieres, nel que la seleición nacional d'h.oquei sobre patinos d'Asturies xugará un partíu escontra l'All Star de la Lliga OK, Astur Hinches fai públicu lo que vien darréu:

En primer llugar, queremos facer un llamáu a tola afición asturiana a qu'acuda en masa Mieres vistiendo los colores de la seleición nacional y ensin otros distintivos, p'animar a la seleición d'h.oquei sobro patinos y vindicar la oficialidá de les seleiciones deportives nacionales. Les nueses seleiciones, nun solu tienen torgada la so presencia en competiciones oficiales sinón qu'además de tou, la Direición Xeneral de deportes d'Asturies qu'encabeza Misael Fernandez Porrón, miembru de la FSA-PSOE puestu al frente d'esta institución, vien torgando la continuidá de les nueses seleiciones alternando un solu partíu al añu ente los diferentes deportes. Desta forma quieren dase un llaváu d'imaxe de cara al gran públicu, pero col enfotu de que les nueses seleiciones qu'en dellos deportes ya afitaren que tenemos un altu nivel que mos permitiría disputar torneos internacionales con otres naciones, puedan tener el sofitu y continuidá que mos correspuende como asturianos y asturianes.



Nel segundu, queremos denunciar qu'esi combináu d'estrelles de la Ok Lliga nun ye sinón una seleición española mazcaritada, puestu que los teúnicos son los de la seleición española y los xugadores son toos de dientro de les llendes polítiques del estáu español. Entendemos qu'esta ye una estratexa de la federación y de la FSA-PSOE dempués de que l'añu pasáu n'Avilés yos españara l'esperimentu d'enalteciemientu a España.
En tercer llugar y como principal novedá, convócase a tola afición asturiana a les 19:00 hores, énte’l mesmu polideportivu Visiola Rollán de Mieres, onde tendrá llugar una concentración pa pidir la oficialidá de les seleiciones deportives asturianes. Dende ellí dirixirémonos xuntos al pabellón col material disponible y axuntaremos nel únicu fondu del polideportivu.
A lo caberu y depués de lo asocedíu’l pasáu Nadal de 2007 n’Avilés, onde munchos hinches asturianxs quedárense ensin entrada, pidimos a tola afición asturiana que quiera sofitar a la nuesa seleición esti próximu 29 d’avientu, pase a retirar ensin más retrasu la entrada en cualesquier de los puntos de venta disponibles dau lo llímitáu del aforu que fai previsible'l llenu total varios díes enantes de la competición. Los puntos onde se puen consiguir les entraes son los que vienen darréu:

-Uviéu: sé nacional de la Federación d'H.oquei d’Asturies
-Mieres: Casa Conceyu, Universidá "Campus de Mieres"
-Otros: nes sedes de clús d'h.oquei d’Asturies.

UNA NACIÓN, UNA SELEICIÓN
OFICIALIDÁ PA LES SELEICIONES DEPORTIVES ASTURIANES

miércoles, 24 de diciembre de 2008

Más represión escontra l'idependentismu asturianu


La Delegación del Gobiernu español n'Asturies vien de multar a un militante independentista con 180 € tras acusalu de portar un arma blanca a la fin de la manifestación que se cellebro'l pasáu 23 d'ochobre n'Uviéu a favor de la República Asturiana y la escontra de la monarquía y de los Premios Príncipe. Dase'l casu de que'l multáu ye militante de Sofitu y "foi ún de los organizadores del actu, siendo la nomada arma blanca un cúter col que se tarazo'l plásticu del baberu de la mani" indiquen dende'l coleutivu antirepresivu.


Pa Sofitu "Esti ye un casu más de la persecución que ta careciendo'l movimientu independentista asturianu", yá que dempués de la cellebración pacífica d'esta movilización dellos participantes sofrieron identificaciones y cacheos, al igual que paso'l pasáu 6 d'avientu na concentración entamada tamién pol Ensame Repúblca Asturiana pa refugar la costitución española.

Nun entamu la petición de multa taba ente los 300 € y los 6000 €, pero tres el recursu del serviciu xurídicu de Sofitu la multa menguó fasta los 180 €. Como ye vezu nestos casos la organización antirrepresiva Sofitu va facese cargu de tolos gastos, "que se sumen a la llarga llista que tolos casos de represión al movimientu independentista asturianu tan causando".

lunes, 22 de diciembre de 2008

"Amarraza. 102 díes baxo la llei antiterrorista" + Concentración en Xixón.


El prósimu martes 23 d'avientu nos llocales de la CSI, na casa sindical de Xixón y de magar les 19:00 h. Sofitu va facer la presentación nacional del llibru "Amarraza 102 díes baxo la llei antiterrorista", escritu pol militante independentista Fer G.R.


Amarraza ye un percorríu bien detalláu de cómo ye la vida d'un acusáu de terrorismu nel Estáu Español. El trauma de la detención, l'angustia de los díes de comisaría, el destierru, la resignación del pasu pola Audiencia Nacional y la dureza de los díes de cárcele onde too se complica. Milenta vivencies personales descrites cuando con humor, cuando con dramatismu.

Fer, cunta de primera mano, en cuantes que testigu direutu, lo irracional del sistema carcelariu, y cómo planta-y cara dende'l compromisu políticu y la claridá d'idees. Pero la so narración nun para nuna descripción de fechos y llugares, ta escrita dende la rabia y l'odiu del momentu, lo que-y da un gran valir sentimental que va facer pescanciar muncho meyor tolo vivío por esti militante independentista asturianu.


La presentación tamién tendrá la so parte informativa na que Sofitu dará a conocer toles novedaes del casu y les movilizaciones que ta entamando pa refugar el xuiciu que Fer tendrá na Audiencia Nacional española'l prósimu 12 de xineru.

La primera d'estes movilizaciones sedrá'l mesmu día de la presentación, cuandu a les 18:30 h. hai entamada una concentración na mesma casa sindical.

SOLIDARIDÁ

viernes, 19 de diciembre de 2008

La seleición nacional de h.oquei xugara'l llunes 29 d'avientu el partiu de nadal d'esti añu.


Ya ta marcada nel calendariu de fecha pa toxs. El prósimu llunes 29 d'avientu la seleición asturiana de h.oquei sobre patines xugara'l partiu típicu del nadal escontra una seleición colos meyores xugadores de la lliga OK( lliga ente les meyores d'Europa y el mundiu). El partiu va ser a les 20:15 hores en Mieres nel nueu pabellón deportivu "Visiola Rollán" con capacidá pa más de 1200 presones que dexuru y ensín dulda enllenarase cola afición asturiana como ye vezu siempres que xuega la nuesa seleición nacional. La instalación ú xugarase l'esperau partiu ta na zona deportiva del Batán. El partiu reunirá a los meyores xugadores del mundiu según los organizadores.


Amás esti eventu debe ser una amuesa d'espresión y en sofitu de la oficialidá de les nueses seleiciones deportives, a les cuales se-yos ñega'l drechu a xugar competiciones oficiales internacionales.

¡ Una nación, una seleición! [* + ]


OFICIALIDÁ SELEICIONES DEPORTIVES ASTURIANES.

martes, 16 de diciembre de 2008

Presentación de " Amarraza" 102 díes baxo la llei antiterrorista.


El prosimu martes 23 d'avientu va presentase na Casa Sindical de Xixón a partir de les 19:00 hores. El llibru "Amarraza 102 díes baxo la llei antiterrorista" fechu pol independentista Fer G.R. va presentalu Sofitu.

El llibru recueye comu ye la vida d'un acusau de terrorismu nel Estau facista español con tolos detalles vivios pol escritor dende lo más fondero a lo más xeneralizau. El llibru amuesa les vergoñes del estau español y el so sistema de penitenciariu y como'l militante asturianu planta-yos cara cola fuercia de les idegues y les convinciones que lu guien a nun desfallecer del so inxustu secuestru pol sistema. Foi escritu por Fer nel momentu en que tubo na carcele y na obra espresa tola so rabia nesos díes prietos dientru la prisión.

La presentación amás valdrá pa Sofitu pa presentar el casu de Fer y como afrontase'l xuiciu del 12 de xineru. Amás Sofitu anunciará toles movilizaciones y actos pa retrucar la inxusticia de l'Audiencia Nacional pa con Fer. La primera movilización sedrá esti mesmu día a les 18:30 na Casa Sindical de Xixón con una concentración.

SOLIDARIDÁ [* + ]

sábado, 13 de diciembre de 2008

El xuiciu a Fer sedrá'l 12 de xineru en Madrid.


12 Xineru: Xuiciu a Fer

L’Audiencia Nacional adelanta enforma la fecha prevista

La sala 4ª del Tribunal d’esceición español, que preside la maxistrada Ángela Murillo, vien de notificar, con 33 díes de marxe, que’l prósimu 12 de xineru sedrá la fecha de cellebración del xuiciu al militante independentista.

La media qu’esta sala vien tardando ente la fecha de la petición fiscal y la del xuiciu, ta ente los 9 y 12 meses, polo que nun se pescancia’l por qué de tantes prieses pa con Fer, cuando malpenes fai mes y mediu de que-y notificaren la so petición. Amás, al nun tar l’imputáu en prisión, nun fai falta tener una conderga enantes de que cumpla los 4 años dende la so detención.

La defensa del militante independentista vien de presentar una quexa pa que s’aplace’l xuiciu, al nun tener tiempu pa preparar bien esti casu. Asina y too, esta posibilidá ye bien probe según reconocieron les mesmes funcionaries del xulgáu qu’almitieron tar faciendo contrareló toles prebes solicitaes pa poder teneles pa esa fecha.

Asina que lo previsto ye que’l xuiciu entame’l llunes 12 xineru a les 12 hores, siendo perprobable que s’allargue más de un día polo llargo del sumariu y la gran cantidá de testigos y peritaxes. Ye de recalcar que la policía española llevará a diez de los sos miembros, tres d’ellos peritos, a declarar. Lo que dexa bien claro la so osesión por encarcelar a Fer G.R.

Dende Sofitu, y a pesar de toles torgues, yá se ta entamando a organizar la rempuesta a esti nuevu ataque de represión españolista. Ente les aiciones previstes tán les que vienen darréu:

- Martes 23 d’avientu Concentración na Casa Sindical de Xixón a les 18:30h.
- Sábado 3 de Xineru  Mani dende la plaza L’Humedal de Xixón a les 17:30 h. Conciertu na Casa Sindical de Xixón de magar les 19:00h.
- Llunes 12 de Xineru marcha en bus a Madrid y concentración na Audiencia Nacional a les 12:30h.

Y ta trabayándose en más aiciones, pero la represión al Movimiento de Lliberación Astur nun ye na más el casu de Fer. Tán acabantes de multar a un mozu tres participar na mani pola República Asturiana namás que por llevar un cúter col que cortó’l plásticu del baberu. Tamién tán recientes dos multes pol fechu de llevar les pegadielles AS na matrícula’l coche. Otros dos independentistes siguen pagando les multes que-yos punxeron por un delito d’ultraxe a España y daños. Y qué dicir del control policial que carecemos. Indentificaciones masives, como’l pasáu 6 d’avientu nuna concentración escontra la Costitución Fascista Española, seguimientos, pinchazos telefónicos...

Y too esto supón unos gastos económicos altísimos ente multes, defensas xurídiques, viaxes a l’Audiencia… Por eso dende Sofitu facemos una llamamiento a la to solidaridá, política, pero tamién económica.

Sofita a Sofitu: númberu de cuenta de Caxastur 2048 0000 23 0340142034

PUXA ASTURIES LLIBRE!! PUXA ASTURIES SOCIALISTA!! PUXA LA LLUCHA!!

Sacau de Sofitu.


¡SOLIDARIDÁ CON FER! [* + ]

viernes, 12 de diciembre de 2008

FER FALARA N´ASTURIANU N´AUDIENCIA NACIONAL, EL TRIBUNAL D´ESCEICIÓN ACEPTA LA PRESENCIA D´INTERPRETE.


L’Aduencia Nacional Española vien d’acetar la petición fecha pola defensa del militante independentista asturianu Fer G.R., pa que seya asistíu por ún/a intérprete d’asturianu/castellán nel xuiciu que tien pendiente na sala4ª del nomáu tribunal.

De nun haber acetáo esta petición, Fer declararía de igual mena n’asturianu porque "la llucha pol asturianu nun se pue dixebrar de la Lliberación Nacional y Social d’Asturies".

L’Estáu Español acusa a Fer G.R. d’un delitu d’estragos terroristes y píde-y una pena de ocho años de cárcele

El Conseyu européu pide la oficialidá



El Conseyu Européu espublizó ayeri un informe sobre la situación de les llingües minorizaes del estáu español, dando unes conclusiones mui esclareceores sobre la responsabilidá de les autoridaes de la situación llingüistica d´Asturies.
Nel comunicáu de prensa el muerganismu pide un esfuerciu especial pa col asturianu pola so situación.

Nel informe que se puede lleer na propia páxina del Conseyu européu responsabilízase,
además de les autoridaes de los distintos territorios del estáu, col estatutu como norma que tien de rixir les llingües, reponsabiliza'l gobiernu español yá que ye´l responsable final del cumplimientu de la llei. Tamién rescampla a lo llargu del tol informe la falta de datos qu´aporten les autoridaes dende l´estáu español.

En cuanto a les recomendaciones sobro la llingua, encamienta claramente al gobiernu asturianu a pruyir pola oficialidá del asturianu.

Según el conseyu, nos informes de l'alministración asturiana indicaben que la estandarización del asturianu nun taba completa y una lliteratura afayaizo fain que la llingua asturiana nun seya oficial.

according to the autorities the lack of standardisation and of an adequate literature explained why asturian was not co-official, and in the second periodical report , they confirm that the process of codification of asturian has not yet been completed

Pal conseyu éstos informes ya nun son válidos polo visto in situ pol conseyu: una gran demanda social, un bon númberu de falantes y un escasu o nulu esfuerzu por parte de la alministración asturiana a normalizar la situación llingüistica, tratando d´algamar con ello un usu normal como mediu de comunicación ente la alministración y los ciudadanos en tolos trámites, evitando d´esta forma vergoñoses discriminaciones, como la refuga d'una tesis na Univesidá d´Uviéu por tar n´asturianu o la de los mayestro d'asturian que tienn qu'estudiar un añu más pa llegar al mesmu trabayu.

Poro, el conseyu fai dellos encamientos al gobiernu asturianu faciendo una reforma que s´afite meyor a les ñecesidaes de los falantes, apuntado claramente a la oficialidá pa la Llingua Asturiana. Otru ye´l crear un mediu de comunicación 100% n´asturianu.


Estrayiu d'Infoasturies.

L'ASTURIANU LLINGUA OFICIAL YÁ!

miércoles, 10 de diciembre de 2008

N'alcordanza'l 34 : Cancioneru revolucionariu.


L'ochobre asturianu dexonos na memoria munches fazañes hestóriques feches pol proletariau asturianu con dellos documentos tales como archivos, vidios o hestóriques semeyes a la vegada d'importantes y representativos cartelos illustrativos de la revolución socialista de 1934. pero nun podemos escaezer les munches composiciones feches alredor de la revolución neses dómines feches cancios que sirvien pa motivar a los milicianos p'algamar la victoria que por desgracia enxamás aportó. Ente munches canciones dexuru qu'escaecies y tapecies pol facismu español dempués de frayar la revolución quedennos hasta güei delles que recopilamos agora equí ya que la nuesa hestoria nun ye pa escaecela y cuantu más sabe ún pueblu sobre si mesmu y sobre les sos torgues más cerca tara esti de la llibertá.

Asturies, tierra bravía.

Asturies, tierra bravía,
Asturies, de lluchaores;
nun hai otra como mio Asturies
pa les revoluciones.

Tengo que baxar a Uvieu
empuñando mio fusil
y morreme disparando
escontra la guardia civil;
escontra la guardia civil
y los cobardes d´Asaltu;
tengo que baxar a Uvieu
y morreme disparando.

Los obreros, n´Asturies,
demostraron so heroísmu
venciendo a la clerigalla
y al feroz capitalismu

Los de Lerroux y la CEDA
son los verdugos d´Asturies,
los qu'arramplen les conquistes
del obreru que trabaya.

Tengo que baxar a Uvieu
empuñando mio fusil
y morreme disparando
escontra la guardia civil;
escontra la guardia civil
y los guariques d´Asaltu;
tengo que baxar a Uvieu
y morreme disparando.










Coples del 34

Salen los mineros de Pola Llaviana
tomando cuarteles llegaron a Sama
el cañón retumba los fusiles cancien,
los dinamiteros derrumben muralles

Y entren los moros con carta blanca
Y dos Banderes de la Lexón
Faciendo muertes, robos y atracos
Y si ye posible, la violación

Silencio n'Asturies ya tou ta'n calma,
Silencio n'Asturies, silenciu en las masas.


A les rexes de la cárcel

Si les rexes de la cárcele tuvieran conocimiento,

al ver entrar un rapaz, (bis) llorarán de sentimiento.

A les rexes de la cárcel nun me vengas a llorar,

ya que nun me quites penes, (bis) nun me les vengas a dar.

Estando preso na cárcele un entierru vi pasar

yera la probe mi madre (bis) que la diben a enterrar.

Nun l'acompañaba naide sólo el triste cochero,

qu'en su coche la llevaba camino del cementeriu,

que mis güeyinos lu vieron,

adiós mio madre querida, cúantos disgustos dila,

cuántes veces escondia, llorando a llágrima viva

nun rincón la encontraba.


Aida Lafuente (lletra popular)
Deciséis años tinía,
guapos años gayasperos
que xueguen y salten
semeyando xilgueros.

Yeres una neña Aida
que na rexón asturiana
xugabes dando a la comba
ú tos amigues saltaben.

Llegó la güelga d'ochobre,
fuisti revolucionaria,
tu yá nun coyisti comba
que coyisti la metralla.
Colos pergafos mineros
qué bien tu la remanabes,
salíes colos primeros
brincando per barricaes.

Y cuando más s'encendín
los glayíos n'amarraza
diesti col llombu na tierra,
furó to pierna una bala.

Dos mozos los comunistes
quixeron dir a salvala,
¡valoratible so vida!
¡so vida de llibertaria!

Nun hubo quien lo algamara,
rabiones de metralleta
sos cuerpos afuracaron
a la vera la rapaza.

Yá lleguen los asesinos,
"¿tu como te llames guah.a?",
tu dixisti puñu enriba:
"¡¡Comunista, Llibertaria!!"
Nun acabesti decilo,
la to voz nun vocinglaba,
del menudín del to cuerpu
fixo un cribu tanta bala.

Y esi vestidín tan guapu
coles manches encarnaes,
guardáranlu con gran ciñu
to ma y la bona la to hermana.

Sedrás de los asturianos
l'exemplu de la so casta
y has ser de los mineros
so bandera proletaria.

Pola sangre que vertiesti
xorrecerán más rosales
nesta fastera asturiana
con roses bien colloraes.
A primeros d'ochobre
glayarán per toa España
les mocedaes marxistes
coses de La Llibertaria,
coses de La Llibertaria.




El chaflán númberu 8

Dime dónde vas morena, dime dónde vas salada,
dime dónde vas morena a ver a los camaradas.
Voy a la cárcel d'Uviéu, al chaflán número 8
donde están veintidós presos de nuestro Octubre glorioso

Dime dónde vas morena, dime dónde vas salada,
dime dónde vas morena a ver a los camaradas.

Entre las rejas honrosas del chaflán número 8
veintidós trabajadores gritan: ¡Viva el frente rojo!

Dime dónde vas morena, dime dónde vas salada,
dime dónde vas morena a ver a los camaradas.

El chaflán número 8 grita con gran tesón
por derrumbar en Asturies el régimen de opresión.

Dime dónde vas morena, dime dónde vas salada,
dime dónde vas morena a ver a los camaradas.

El chaflán número 8 se compromete a luchar
hasta que luzca la aurora del Soviet universal.

Dime dónde vas morena, dime dónde vas salada,
dime dónde vas morena a ver a los camaradas.

Y cuando se acerque el día de la batalla final
el chaflán número 8 no habrá de quedarse atrás.

Dime dónde vas morena, dime dónde vas salada,
dime dónde vas morena a ver a los camaradas.

Ante la bandera roja del chaflán número 8
los burgueses aterrados correrán como los gochos

Dime dónde vas morena, dime dónde vas salada,
dime dónde vas morena a ver a los camaradas.



¡Puxa l'Ochobre'l 34! ¡ Puxa Asturies roxa y llibre !

lunes, 8 de diciembre de 2008

UXT CCOO reafirmen el zarru de Naval Xixón.


Yá el 4 d'avientu n'asamblea los trabayadores del astilleru decidieron por 68 votos a favor, 18 en contra y una abstención el peslle de la factoría naval, amosando una actitú de bastante pasividá de la que munchos arrepintieronse según delles declaraciones, agora aportaron UXT Y CCOO y escluyendo a la CSI, col mesmu numberu de representantes roblen un alcuerdu en sofitu del zarru de la naval. Esti fechu fizo que la Corriente vaya plantar una demanda col caberu fin de que los trabayadores y l'ambitu de Naval Xixón reconsidere la decisión y pola viabilidá del astilleru xixones al cual quieren camudar por pisos de luxu.

¡La llucha ye l'únicu camín!

¡Non al desmantelamientu d'Asturies!

La policia griega asesina a un mozu de 16 años



D'un tiru de la policia foi asesinau el mozu anarquista de 16 años, lo que ta provocando en Grecia una gran rempuesta popular que fino yá en munches ciudaes con nuevos disturbios escontra la policia. La prensa'l país noma a los disturbios d'estos dies como los piores en más de dos dos décades.

Atenes, Tesalónica, Komotini o Creta ente otres fasteres tan siendo ñeru de braeres guerres urbanes en refuga del asesinatu facista y tolos colleutivos anticapitalistes militantes tan faciendo un llamamientu al pueblu griegu a sumase a les revueltes y les movilizaciones. Los policies que supuestamente son culpables del asesinatu'l xoven tan detenios. Una vegada más la maquinaria represiva del sistema torna a dar que falar y provocar el derramamientu de sangre d'un mozu anticapitalista. L'asocedíu en Atenes recuerda a lo que paso n'Italia col tamién mozu Carlo Giulani asesinau en Xénova el 20 de xunetu de 2001.

Vidiu del asesinatu:

http://www.youtube.com/watch?v=jwJZHcMolUA&eurl=http://www.kaosenlared.net/noticia/extienden-protestas-grecia-tras-muerte-atenas-joven-anarquista-tirotea



¡Caña escontra'l capital!

domingo, 7 de diciembre de 2008

Mediu centenar de persones refugaron la constitución neofacista española.


" Nin rei, nin consitución "


Mediu centenar de persones concentráronse ayeri 6 d'avientu delantre la Xunta Xeneral p'amosar la refuga a la constitución española y pola República Asturiana.La policia espñola identificó a dellos independentistes tres l'actu que se desendolcó ensin dengún tipu d'incidente.


La protesta foi convocada pol Ensame República Asturiana a les 13:00 hores y nella participaron, fasta pasaes les dos de la tarde mediu centenar de persones, énte la entrada a la Xunta Xeneral qu'estrenaba es sos xornaes de puertes abiertes.

Na concentración, que se desendolcó con una bultable presencia polítical baxo'l llema "Nin rei, nin costitución. Independencia" glayaróse dellos llemes como "Nin Borbón, nin constitución", "República Asturiana, socialista y Soberana" o "Constitución española foriata y represora".

Una intervención breve zarró l'actu, nesi momenu delles persones que marchaben del actu fueron identificaes nes prosimidaes pola polícia española. Los presentes tres decatáse de la situación averáronse a protestar y llamar l'atención de les identificaciones, glayando "Tamos fartos de represión", "policia española facista y represora" y Trevín facista tu yes el terrorista". La polícia identificó a delles persones provocando momentos tensos, tres lo que la xente marchó en grupu torgando nueves identificaciones.

Dende les 19:00 hores a les 22:30 l'Ensame cellebró una Folixa pola República Asturiana na Casa Sindical de Xixón onde hebo puetos de material, comida, sidra y músíca y pela que pasaron unes 70 persones.

En xeneral, alredor de 120 persones participaron nos actos d'esta xornada independentista escontra la consitución española.

Estrayiu d'Infoasturies.


Tamién apaecieron estos dies dellos murales n'alusión a la constitución española y reclamando la República Asturiana fechos pola organización de mocedá independentista Darréu.




jueves, 4 de diciembre de 2008

Sigue medrando la llingua na enseñanza.


Más de 21.748 alumnos cursan Llingua Asturiana y 450 más fainlo na variedá más ocidental sumando más de 28.200 estudiantes nos centros educativos sosteníos con fondos públicos. Nos últimos 3 años hai un incrementu del 9%.

Nel cursu 2006-2007 había 19.753 matriculaos (19.514 na rede pública y 239 na concertada), el cursu siguiente foron 21.409 estudiantes (20.654 no público y 755 no concertao), pa llegar esti añu los 21.748 (21.119 y 629 ).

Hai 17.156 escolinos de Primaria matriculaos en 228 centros públicos y otros 458 en seis centros concertados. Na rede público, escueye l'asinatura un 55,3%.

En Educación Secundaria Obligatoria hai 4.054 alumnos matriculados, 3.883 en centros públicos y 171 en centros concertaos. En Bachillerato hai 538 alumnos, toos en centros públicos.

Nel estremu ocidental del país los estudiantes namás puen estudiar la variante llocal , na asinatura denomada "gallego-asturiano ", y fainlo un total de 459 alumnos esti cursu, toos no público. En primaria estudien fala 251 escolinos, na ESO 198 y en Bachilleratu 10.

lunes, 1 de diciembre de 2008

L'Ensame República Asturiana convoca una concentración y una folixa contra la constitución española


La plataforma va convocar pa esti sábadu 6 d'avientu, a les 13hores delantre de la Xunta Xeneral una concentración en rechazu a la monarquía y la constitución española, asina como una folixa pola República Asturiana a les 19 hores na casa sindical de Xixón.


-------------------------------------------------------------------

Manifiestu República Asturiana:

Les persones y coleutivos que roblamos esti ‘Manifiestu’ queremos espresar lo que vien de siguío:

1) Asturies vive nuna situación antidemocrática dafechu, na que los valores republicanos y los derechos sociales y nacionales vienen siendo negaos y xabazmente reprimíos per parte del estáu español, formáu en Reinu.

2) Una de les espresiones sociales más significatives d’esti fechu ye la denomación institucional d’Asturies como “Principado”, figura política impuesta a esti Pueblu qu’afala’l vasallaxe y el servilismu a una institución arcaica, elitista, antidemocrática y feudal cola qu’Asturies y les asturianes y asturianos nada ganamos.

3) Oponémonos a cualquier tipu de réxime monárquicu, por ser ésti’l paradigma de la desigualdá social y la falta de derechos con impunidá llegal. Tampoco podemos escaecer que la designación del monarca español foi fecha durante’l franquismu, siendo ésti designáu y coronáu a deu directamente pol propiu dictador, ensin qu’entá viéremos enfotu nesta institución predemocrática por pedir perdón tres cuarenta años de fascismu xenocida col beneplácitu del sistema llegal ‘constitucional’ actual.

4) Denunciamos el compromisu col neolliberalismu xabaz, asesín de tolos pueblos del mundu, que remanez de la monarquía española, siendo ésta garante de la defensa de les clases privilexaes y de la desigualdá económica, social y de derechos. Refugamos, tamién, les actitúes machistes, homófobes, represores y censores que surden dende la monarquía española, qu’afiten, una vegada más, el so orixe feudal y arcaicu, comportamientos mui estremaos a los que defendemos nosotres y nosotros.

5) Consideramos una humildación a Asturies la cellebración de los ‘Premios Príncipe de Asturias’, considerándolos una coartada pa ‘llavar la cara’ internacionalmente a la monarquía, faciéndola pasar por institución moderna y que respeta la cultura, visión mui alloñada de una, muncho más cercana a la realidá, de ‘familia de vividores a sueldu de toes y toos’ que conocemos perbién y manipulando, al tiempu, la imaxe de la sociedá asturiana. Poro, nun podemos dexar de pidir la crítica pa los galardonaos por estos ‘premios de pandereta’, que faen el xuegu cómpliz a la monarquía española, nin dexar d’ablucar y protestar, tampoco, polos costes de les fartures ‘reales’ a cargu de los nuestros impuestos –nestos tiempos de crisis– , asina como de la situación d’estáu y ocupación militar y policial ostentoria que nel nuestru país se xenera con cualaquier ‘visita’ de los miembros d’esa familia ‘real’.

6) Queremos afitar dende agora mesmo la necesidá d’articular y crear un movimientu republicanu asturianu que lluche pola lliberación d’esti país y refugue cualquier tipu d’opresión nacional y social, como la que constitúi la monarquía española y cualquier réxime monárquicu. Asina, namás entendemos un cambiu de modelu de país pa construyir una República Socialista independiente onde los valores republicanos d’igualdá, llibertá, accesu a al cultura, llaicismu seyan los finxos que caltengan la nuestra llucha por una Asturies xusta y un mundu de pueblos llibres.

ANDECHA ASTUR ye considerada como "Amenaza" pa España nun llibru reciente


Ta acabante de salir un llibru escritu polos ultra-españolistes GUSTAVO BUENO y SANTIAGO ABASCAL nel que directamente acusen a formaciones como´l PNV o ANDECHA ASTUR de ser una amenaza pa España. Gustavo Bueno, caderlagu rioxán afincáu n´Asturies, considera al grupu nacionalista d´esquierdes, Andecha Astur, como una AMENAZA: Rescsampla comprobar cómo la Revistina electrónica que dirixe Gustavo Bueno Jr. , nomada El Catoblepas, lleva unos años dirixendo una campaña difamatoria escontra´l nacionalismu astur. En dellos artículos insultantes y de nula calidá intelectual, consideren qu´"hai una rellación causa.efecto" ente´l nacionalismu ideolóxicu y el terrorismu. El grupu conocíu como "LOS NODULEROS", d´estrañes vinculaciones ideolóxiques (UCE, Izquierda Hispana-Grupo de Combate, UPD, DENAES...) [http://www.kaosenlared.net/noticia/anoran-pena-muerte-radicales-espanolistas]
va siendo conocíu pola so encesa esaltación de la Pena de Muerte pa los "separatistes" y polos sos soludos y despidides, emplegando davezu un "ARRIBA ESPAÑA", de calter claramente pre-constitucional.

Citamos un párrafu del estractu d´esti nuevu llibru ultra-españolista:http://findesemana.libertaddigital.com/en-defensa-de-espana-1276235854.html





"Todo grupo (partido, sindicato, etc.) nacionalista fraccionario, desde el Partido Nacionalista Vasco hasta Andecha Astur, defiende la idea de la disolución de España (la propia negación de su existencia es ya, de hecho, una amenaza para la misma), en cuanto que defienden la constitución nacional de lo que no son sino partes de la Nación español. Una nación, la española, cuya existencia, desde tales grupos, o es negada sin más, o es concebida como una superestructura política imperial residual con la que definitivamente hay que acabar.

Así, estos grupos, si bien no amenazan directamente la soberanía española (y es que ni siquiera la reconocen como existente), sí representan una amenaza indirecta (no por ello menos grave, quizá más), al buscar, y a ello dirigen su actividad política, que una parte de la nación española pase a ser reconocida como un todo nacional, lo que directamente implicaría, si este fin se consuma, la fragmentación y ruina de la nación española. El solo no-reconocimiento de la soberanía nacional española (...) pone ya en marcha tales fines, promovidos en el seno de dichos grupos.

La mera existencia de estos grupos, en definitiva, representa ya una amenaza formal para la nación española. "



viernes, 28 de noviembre de 2008

Tiempu de crisis, tiempos de cierres d'empreses. El so egoismu comu siempres paguenlo los trabayadores.


Esta selmana venimos d'una riestra de noticies alredor de dellos conflictos llaborales n'Asturies ente otros tan les movilizaciones de los trabayadores de Naval Xixón escontra'l el futuru plan llevao pola empresa ensín nengún futuru pa la plantilla y col únicu fin que cerrar l'astilleru d'una manera más "ellegante" y "suavina". Ayeri los trabayadores de los astilleros xixoneses manifestaronse nes caís cortando delles vies públiques con barricaes y asina van siguir faciendolo si la empresa nun garantiza un futuru pa los astilleros. Los trabayadores amás comu vienen faciendo hai yá unos años denuncien l'ínteres de vender los terrenos de l'astilleru pa facer pisos de luxu y especular asina más enta por si nun fuera la crisis capitalista abondo grande.

Per otru llau tan los trabayadores de la empresa minera Obras y Perforaciones S.A (OYPERSA) dedicada a obres de subcontratacion nos pozos de Hunosa, que dende ya va un tiempu tan perdiendo too clas de drechos llaborales amás de tar sofriendo un gran recorte salarial y emtamaron ya a movilizase y pronunciase al respeutu. D'otra miente ta'l conflictu de los trabayadores de Duro Felguera nel taller de Barros qu'esti miercoles pasau secundaron una fuelga que cumplió tola plantilla con totalidá. Esta protesta llevenla a cabu pa retrucar a la direición de la empresa la cual responsabilicen de tar acosando a los trabayadores. Amás los trabayadores señalen casi más importante la intención de los empresarios de DF de desmantelar la empresa y les actividaes productives na Cuenca'l Nalón. Esta fuelga foi amestada con una marcha de la plantilla de DF dende los talleres de Barros fasta'l ayuntamientu de Llangréu pa llamar la atención a l'alcaldesa del conceyu.

Y les griesques van proseguir casi dexuru n'Asturies debiu a l'enfotu que dende seutores de la patronal y la alta política tan poniendo en desmantelar el texíu industrial del nuesu país.

ASTURIES SALVASE LLUCHANDO.

Independencia y Socialismu.

Los trayadores de Naval Xixón tornaron a cortar el tráficu con barricaes ayeri.


La plantiya de Naval Xixón volvieron cortar el tráficu na Plaza Maximino González otru xueves con delles barricaes de neumáticos ardiendo. Los trabayadores protesten pola situación qu'altraviesa l'astilleru, en procesu de zarru y defenden la so viavilida y los puestos de trabayu.


El representante de CSI nel Comité d'Empresa, Balbino Cano, apuntó a la prensa que la pretensión de pesllar l'astilleru ye "descarada", dao que la factoría podía continuar cola so actividá porque "tolos astilleros del Estáu tienen barcos". Trátase d'un "zarru planificáu por Pymar, la Direición de Naval Xixón y el conseyeru d'Industria Graciano Torre".

Los trabayadores denuncien tamién que na documentación presentada pol Espediente de Regulación d'Emplegu (ERE) alcontráronse con que falten los informes económicos de los exercicios del 2005, 2006 y 2007 y que punxeron en conocimientu de la Direición Xeneral d'Emplegu sin que ovia contestara tado obligada a valorala.

Nesti puntu Cano señaló que los directores xenerales son cargos de confianza de los conseyeros y que nesti casu concretu'l conseyeru d'Industria y Emplegu, Graciano Torre, "manifestóse públicamente sobre la necesidá de que Naval Xixón pieslle, polo tanto'l Director Xeneral pue tar cayendo nuna situación de prevaricación y de dolu". Cano, dexó claro que "si ye necesario llegar al xulgáu pa denunciar esta situación vamos facelo".



Estrayiu d'InfoAsturies.


PUXA LA LLUCHA OBRERA




martes, 25 de noviembre de 2008

Día escontra la violencia de xeneru.







Escontra'l sexismu, la discriminación y los prexuicios propios del sistema patriarcal ! nin un pasu p'atrás !





Ya van munches muyeres asesinaes poles sos pareyes nesti añu, ya van munches más que ente llarimes y sangre siguen sofriendo too tipu de vexaciones de quién en teoría deberién sofrir. Non más casos d'estos, nun calles el to casu, llucha pola to dignidá.


¡ESCONTRA LA VIOLENCIA DE XÉNERU Y EL TERRRORISMU DOMÉSTICU, NENGUNA TOLERANCIA!

Ensín les muyeres, Asturies nun sedrá llibre.


Independencia y Socialismu.

domingo, 23 de noviembre de 2008

Simboloxía facista n'Asturies: Rempuesta popular.


Dempúes de 33 años dende que morriera Franco, onde en teoría dicen que pasamos una transición y tamos nuna democracía que nun tién un res que ver col réxime franquista da pa pensar que les nueses caís tean enllenes de simboloxía facista varia: plaques de cais y nomes d'estes, monumentos, escudos preconstitucionales...y ehí siguen nes caís ensín nenguna intención de les instituciones públiques d'esborrialos del paisaxe, nenguna priesa pa esborriar estes manifestaciones franquistes pero si muncha pa tapecer cualquier muria o campaña vindicativa a favor de los drechos del pueblu asturianu, muncho que pensar da, si.

Munches son les muestres d'esti tipu de simboloxía nel país, plaques con nomes de caís n'honor a facistes coles manes enllenes de sangre, plaques con enormes yugos y fleches, numberosos escudos franquistes n'ilesies, cuarteles y colexos, monolitos a los cayios por Dios y por España y un llargu llistau.

Como asturianos, pueblu que foi especialmente reprimiu cola represión franquista española sedría lo más normal emtamar a esixir la supresión d'estos simbolos y si non mos faen casu facelo nós mesmos ya que dende les instituciones públiques tol enfotu paez tar puestu en que siga quedando too " atado y bien atado".
Lo meyor sedrá tirar a la foguera too simbolu d'españolismu y facismu.

¡FUERA SIMBOLOS FACISTES DE LES NUESES CAIS!


Independencia y Socialismu.[ *+ ]

viernes, 14 de noviembre de 2008

Continua la campaña "yo doi la cara pola oficialidá".










Continua la esitosa campaña que quier algamar la oficialidá de la nuesa llingua. Tú tamién pues collaborar cola campaña y ser parte d'esta:

- Ponte guapu o guapa

- Imprime dende la güeb www.doilacara.net o fae tu mesmu una fueya col testu " Yo doi la cara pola oficialidá" y fae una semeya cola fueya o el cartelu.

- Unvia la semeya a doilacara@gmail.com.



ASTURIES MEREZ RESPETU, L'ASTURIANU LLINGUA OFICIAL YÁ!

Pa más información: www.doilacara.net

miércoles, 12 de noviembre de 2008

Otru trabayador muertu...y van 33.



Un mozu de 21 años morrió ayeri cuando taba trabayando nuna torre de baxa tensión en Bodeya (Salas). Una descarga elleútrica al xoven trabayador que ye la víctima númberu 33 del trabau n'Asturies no que va d'añu. Les estadístiquies respiguen: Trés trabayadores muerren al mes nel país de nueso.

Tres l'avisu del so compañeru al 112-Asturies pasaes les dos y media la tarde, el Serviciu d'Atención Mélica Urxente (SAMU) movilizó l'ambulancia de soporte vital básicu de Tinéu col mélicu de Salas, la UVI-móvil d'Uviéu, y l'helicóteru melicalizáu. Los equipos mélicos namás que pudieron confirmar la muerte'l trabayador.

33 trabayadores morrieron n'Asturies no que va d'añu, dalgo más de trés muertos mensuales. Si se cumplen les estadístiques Asturies podría cerrar l'añu con cerca de 40 trabayadores muertos n'acidente llaboral.

D.E.P.

NON AL TERRORISMU PATRONAL.

Barricaes escontra'l cierre de Naval Xixón.


Trabayadores de Naval Xixón cortaron ayeri'l tráficu na plaza Máximo González con barricaes en retruca pol espediente de regulación. Dempués de falalo na factoría los trabayadores decidieron movilizase asina. Hasta la plaza averose la policia y los antidisturbios aunque nun hebo incidentes de consideración. Asina, los trabayadores siguen reclamando mas carga de trabayu nel astilleru y oponiendose al ERE fechu polos cabezaleros de la empresa. Dempués del corte del tráficu los trabayadores anunciaron que les movilizaciones y les aiciones que van tomar si nun tienen otra van ser " como nos piores tiempos", y anunciaron que pa la selmana que vien ta emtamada una fuelga yá.

El comite de trabayadores estudia como recurrir l'ERE apoyandose en que'l 90% d'esti tipu d'espedientes y planes nun salen p'alantre ensín alcuerdo ente empresa y trabayadores.



ASTURIES NUN SE VENDE, ASTURIES SALVASE LLUCHANDO.

Independencia y Socialismu.

lunes, 10 de noviembre de 2008

Les cais de Llangréu escontra'l xuiciu a Fer.


Delles muries del conceyu apaezieron con mensaxes escontra'l xuiciu al mozu independentista al que l'Audiencia Nacional pide-y 8 años de carcele.


sábado, 8 de noviembre de 2008

El Tribunal Supremu español anula la oficialidá en Nava


El Tribunal Supremu español vien d'anular l'alcuerdu plenariu de xunu de 2001 del Conceyu Nava pol que s'aprobaben les ordenances d'oficialidá del asturianu propuestes por Andecha Astur y llevaes a plenu pola Xunta Xestora Asturianista. El fallu ye firme y contra él yá nun hai recursos posibles. El Tribunal español ratificó asina la sentencia de 2005 del Tribunal Superior de Xusticia d'Asturias (TSXA) tres un recursu de la Delegació del Gobiernu español n'Asturies y escontra'l que namás Andecha Astur presentó un recursu de casación énte'l Tribunal Supremu.

Les dos sentencies declaren nulu, "por nun ser conforme a derechu", l'alcuerdu plenariu de 8 de xunu de 2001 nel que se aprobaron les ordenances municipales sobre la oficialidá de la llingua. Foi la Delegación del Gobiernu español n'Asturies, en 2001 con Mercedes Fernández (PP) al frente quien presentó un recursu contra l'alcuerdu plenariu.

El fallu del Supremo ratifica la sentencia dictada pol TSJA señalando que "no existe ninguna declaración en el Estatuto de Autonomía que disponga que el bable tiene el carácter de lengua oficial en Asturias". El tribunal español recordó que "las corporaciones locales carecen de competencia para declarar la oficialidad de una lengua, dentro o más allá de los límites del municipio".

Daniel Cueli, voceru d'Andecha Astur en Nava, calificó la sentencia como "un actu represivu más", amestando que "nun ye entendible que la equiparación de los derechos llingüíticos de los vecinos y vecines d'un conceyu seya illegal, que la igualdá sea illegal, que la democracia mesma seya illegal n'Asturies". Cueli fizo finca en que la falta d'oficialidá xenera problemes democráticos, "l'exemplu ye qu'un conceyu asturianu nun pue regular, nunes ordenances municipales, la igualdá de derechos de los sos vecinos y vecines y la igulaadá de tratu de la llingua d'Asturies y del castellán". El voceru d'Andecha Astur en Nava criticó que namás Andecha punxere el recursu de casación y que'l Conceyu "el primer interesáu en defender los sos alcuerdos y los derechos de los vecinos"nun ficiere res, recordando que'l PSOE aprobó les ordenances en 2001 colos sos votos. Andecha Astur va asoleyar una valoración oficial nes prósimes hores.

Pa Asturianistes por Nava el fallu "desprotexe a la cultura asturiana y la llingua qu'usa 'l pueblu". El conceyal Emilio Ballesteros recordó que "l'asturianu nun ye un problema, porque ye como fala davezu la xente, pero decisiones d'esti calter son les qu'enquisten la situación y xeneren un problema alredor de la llingua".

Dende'l PP, el voceru José María Osoro defendió la sentencia al recordar que si nun hai un Estatutu d'Autonomía que faiga referencia al asturianu, "un conceyu nun pue declarar la oficialidá".

Les ordenances aprobaes en 2001 permitíen a los vecinos "relacionase col ayuntamientu n'asturianu o n'español", amás de recibir les notificaciones municipales nestes dos llingües.

Estrayiu d'InfoAsturies.


ASTURIES MEREZ RESPETU

jueves, 6 de noviembre de 2008

Espediente d'estinción de contratos en Naval Xixón y "movilizaciones como nos piores tiempos".


La direición de la empresa presentó ayeri un espediente p'acabar colos contratos de los 97 trabayadores del astilleru y dexó clara la so intención de zarrar en cuanto puea. Los trabayadores van esti llunes a la fuelga y van torgar la salida del que podría ser l'últimu barcu.

La propuesta de la empresa ye prexubilar a 54 trabayadores y despedir con indemnizaciones a los otros 43. Los sindicatos refugáronla dafechu. Les promeses de nun zarrar l'astilleru o de recolocaciones en Juliana quedaron pa prau.

Los trabayadores tienen mui claro que nun hai motivu pa zarrar el astillero porque hai más demanda que nunca y culpen al Gobiernu de programar el zarru dende va años «pa facer caxa colos terrenos de Naval Xixón, en primer llínia de playa».

El llunes los trabayadores empincipien la fuelga pa torgar que salga l'últimu barcu anunciando que «les movilizaciones van ser como nos piores tiempos.



Estrayiu d'Infoasturies.


¡ Puxa la clas obrera !

miércoles, 5 de noviembre de 2008

James Connolly: socialismu y lliberación nacional n'Irlanda.


James Connolly (1868-1916) foi un llíder socialista y nacionalista irlandés. Nació n'Edimburgo, fíu de padres emigrantes irlandeses. Dexó la escuela pa trabayar a los once años, y posteriormente convertiríase nun de los llideres políticos de la izquierda del so tiempu.

En 1892 yera una figura importante de la Federación Socialista Escocesa, convirtiéndose en secretariu de la mesma en 1895. En 1896 dexó l'exércitu y formó'l Partíu Republicanu Socialista Irlandés. Mientres s'alcontraba en suelu británicu, foi ún de los fundadores del Partíu Llaborista Socialista, que se separtó de la Federación Socialdemócrata en 1903. Yera la man derecha de James Larkin nel sindicatu de trabayadores y tresportistes. En 1913 en rempuesta al lockout d'esi añu, formó l'Exércitu de Ciudadanos Irlandeses, un grupu de trabayadores entrenaos y armaos que lluchaben por defender a los trabayadores y entamaben fuelgues. Tuvo formáu por unes 250 persones. El so obxetivu caberu yera afitar una nación irlandesa socialista ya independiente. Nel futuru, l'Exércitu de Cidadanos Irlandeses seria una de les bases na formación del IRA.


Connolly consideraba a la organización de Voluntarios Irlandeses abondo burgueses, y poco preocupaos pola independencia económica d'Irlanda. En 1915, buscando adoptar una aición decisiva contra les fuerces britániques, taba dimpuestu a adoptar aiciones inmediates. Ello alarmó a los miembros de la Hermandá Republicana Irlandesa, que ficiere llabor d'infiltración dientro de los Voluntarios, y planegaba una insurrección en dellos años. Los llíderes de la Hermandá, incluyendo a Tom Clarke y Patrick Pearse, aconceyaron con Connolly p'algamar un alcuerdu. Anque afirmóse que foi secuestráu por ello, esta idega foi refugada a posteriori. De toes formes esapareció demientres tres díes ensin avisar.

En 1916 Connolly yá yera comandante de la Brigada de Dublín, y participó nel Alzamientu de Pascua contra les fuercies británicas. Foi gravemente feríu na batalla, y más tarde sedrá executáu.

N'Irlanda ye de gran relevancia pola so contribución a la causa nacionalista. De la mesma, el so marxismu foi analizáu y reivindicáu por distintos pensadores y organizaciones polítiques. La so obra escrito fundamentalmente ta basada n'artículos, y amuesa un pensamientu nel que se pretende xunir el nacionalismu irlandés, el marxismu y el cristianismu.

Connolly foi ún de los pocos izquierdistes que s'opusieron a la Primera Guerra Mundial, lo cualo provocó l'odiu de dellos llíderes socialistes d'Europa.

Al paecer Lenin foi un gran almirador de Connolly, anque nunca se conocieron en persona. Lenin enfrentóse en dalguna de les sos obras a los que consideraben a la rebelión n'Irlanda burguesa, señalando que nun esistía una revolución pura, y los comunistes debíen buscar la unidá con otres fuercies sociales.

N'Escocia, el so pensamientu influyó a socialistes como John Maclean, tamién interesáu en combinar idegues nacionalistes y marxistes, pa lo que creó el Partíu Republicanu Obreru Escocés. Les idegues de Connolly tamién influyeron n'otros munchos movimientos de lliberación nacional.

Anguaño prepárase la película Connolly, sobre esti llíder políticu, dirixía por Adrian Dunbar y protagonizada por Peter Mullan.




Ente les sos cites más pernomaes alcuentrense delles:





" Queremenos a Irlanda pa los irlandeses. Pero, ¿quiénes son los irlandeses? Non los usureros del negociu inmobiliariu que poseen les villes miseria; non el capitalista que saca les sos ganancies del mugor axenu; non los siúticos y grasientos abogaos; non los proxonetes-mentirosos a sueldo de l'enemigu. Nun son estos los irlandeses de quienes depende'l futuru. Nun son estos, sinon la clas obrera d'Irlanda, la única base segura sobre la que asoleyar una nación llibre.
La causa de los trabayadores ye la causa d'Irlanda, y la causa d'Irlanda ye la causa de los trabayadores. Nun puen ser separtaes. Irlanda gueta so llibertá. Los trabayadores busquen qu'una Irlanda llibre seya la única compañera del so propiu destín, poseedora suprema de tolo qu'hai sobre y baxo'l so suelu. Los trabayadores busquen facer a la nación llibre irlandesa la guardiana de los intereses del pueblu d'Irlanda, y pa protexer l'oxetivu fadrán que na nación llibre irlandesa too drechu de propiedá seya contrariu a los drechos l'individuo, cola finalidá, na nuesa mentem de que los individuos seyan enriquecios pola nación, y non pola usura a sos semexantes."

"Irlanda ensín el so pueblu, nun significa un res pa mi."

" Si mañana echais a l'exercitu inglés y escolingais la bandera verde nel castillu de Dublín, los vuestros enfotos sedrán en vanu si nun llevantáis la República Socialista, Inglaterra siguirá dominandovos. Vos dominarán al traviés de los sos capitalistes, de sos propietarios, de los sos financieros y de toles instituciones comerciales y privaes qu'implantaron nesti país."







Tiocfaidh ár lá-Nuesu día aportará.

Independencia y Socialismu.