sábado, 31 de octubre de 2009

Aiciones en Llangréu en sofitu al despedíu en Duro Felguera.


Delles muries del municipiu del Nalón apaecieron esta selmana con llemes desixendo la readmisión del despedíu. Los responsables de DF escudense nun supuestu problema de salú del danificáu. El braeru problema al paecer foi que'l trabayador de la factoría denunció l'acosu al que son sometios los trabayadores de la empresa por parte de la so patronal. Asina, nun parque de La Felguera apaeció un pancartón xigante denunciando'l casu y pidiendo la readmisión del trabayador.

El prósimu llunes 9 de payares ta convocada una concentración de sofitu col trabayador en Mieres del Camín demientres se cellebra'l so xuiciu. La concentración sedrá delantre'l xulgáu a les 9:00 hores. Entamalo l'Asamblea de Trabayadores de Felguera Construcciones Mecániques.

Escontra'l terrorismu del capital: ¡LLUCHA OBRERA POPULAR!

viernes, 30 de octubre de 2009

Vidiu del manifestamientu del ERA " Principes d'Asturies ¿ Quien lo decidió ?

Vidiu de la cabera movilización del Ensame República Asturiana, el segundu manifestamientu escontra los premios principiegos y la monarquía española. El llema de la mani foi " Principes d'Asturies: ¿ Quien lo decidió ?.


Espublizáu en: http://alloriu.nireblog.com/

martes, 27 de octubre de 2009

Bon artículu de Carlos X. Blanco sobre la visita de los borbones.


Dexamos equí l'artículu espublizáu por Carlos X. Blanco sobre la visita de los borbones a Asturies estos caberos dies:

Cada año, en Asturies la mascarada, en Octubre, para más guasa; nos vencieron en 1934; eso se nota cuando estos príncipes se acercan por aquí.
Como cada año, en Asturies se escenifica la mascarada. En Octubre, para más guasa. En el preciso mes en que una vez el pueblo asturiano habló alto, como pueblo obrero con las manos en las armas, en el mes en que tomó los cielos diciendo ¡No! al fascismo que se parapetaba detrás de la República Española.

Ahora, después de tres cuartos de siglo, un neofascismo distinto, pero también temible, extiende sus alas en todo el mundo, bajo premios Nóbel que dirigen Guantánamo y guerras “humanitarias”, bajo Monarquías constitucionales donde el propio trono era “cuestión innegociable” para los mismos fascistas que, después de 1975, abrieron la mano para no perder privilegios ni impunidades.

Asturies vive de nuevo en el contexto de un Fascismo Global generalizado en el mundo, pero es una Asturies muy distinta a la de 1934.

Ya no quedan obreros. Los jubilaron o los mandaron a la cárcel. Ya no hay armas: tenemos los asturianos la dinamita mojada. Ya parece que nos queda menos voz para decirle al fascio ¡Aquí no! Ahora nos hemos convertido en un álbum de fotografías y cromos donde los Borbones pueden venir a posar sobre el fondo ese que tanto les gusta, el fondo de un pueblo manso, entrañable, pacífico, vencido y adulador.

La Asturies que la España Oficial y Monárquica quiere. La Asturies vencida, folclórica, la de los gaiteros y cortesanos besando la mano y demás partes anatómicas de Felipe y Letizia. La Asturies que ha cedido hasta su nombre, cual patrimonio privado o feudal, a la Casa Real española. La Asturies que juega a ser “oficialmente monárquica” con tal de que le regalen un minuto en el telediario, con tal de que se acuerden de ella, de su colonización imparable, de su extinción como pueblo y como nación milenaria.

La basura para Asturies. No tardarán en venir las nucleares, el Musel-Vertedero, la Regasificadora, las incineradoras. Después le tocará a la propia población: envejecerse y emigrar no va a ser suficiente. Habrá que empezar a brindarse como cuerpos y como mentes, bajo la farola de la España prostituída. Cualquiera que venga de paso podrá comprar Asturies y lo Asturiano muy barato. Asturies, de patria querida, está pasando a ser puta barata de las que ponen incluso la cama.

Nos vencieron en ese 1934, y eso se nota cuando estos príncipes de España se acercan por aquí haciéndose llamar príncipes “de Asturias”. Vienen a donde saben que es su feudo. Pocos somos todavía los que protestamos en la calle o con la letra escrita.

Vienen a su vertedero. Una vez al año, a cambio de una foto en un diario madrileño o de un minuto de telediario. Esto sabemos hacer: Unos premios y unas comilonas ofrecidas a los cortesanos. Para eso estamos. Para servir: que vengan y que prueben la sidra y la fabada. Y para gritarles, con estulto servilismo: “¡Guapos!”.

Por dignidad, tenemos que ser muchos más los que gritemos otra cosa: “Asturies no es un Principado, y menos, un principado vuestro”.

Enllaz: http://www.kaosenlared.net/noticia/vienen-borbones-asturies-vencida

viernes, 23 de octubre de 2009

Uviéu marchó escontra los premios principiegos


Con un fuerte cordon policial, sistema usáu pola delegación del gobiernu español n'Asturies pa criminalizar a los movimientos reivindicativos, alredor de 90 persones marcharon esti xueves pela Cai Uria d'Uviéu pa denunciar la situación antidemocratica na que vivimos los asturianos.


Tres una pancarta na que se podia lleer "PRINCIPES D'ASTURIES ¿QUIÉN LO DECIDIÓ?" la marcha, con gaiteru incluyíu, llanzó consignes republicanes, pola llibertá d'Asturies, escontra les fuercies d'ocupación, anti-borboniques y hasta hubo espaciu pa la chanza.
Al final del percorríu un militante lleó'l manifiestu del ENSAME REPUBLICA ASTURIANA fuertemente escoltaos poles fuercies de seguridá del estáu.

Recordose a los presentes qu'esti Sabadu a les 19 hores en La Calleja la Ciega d'Uviéu( MARTÍNEZ VIGIL, 14 ) hai un conciertu entamáu pol ERA pa recaudar perres pa siguir coles sos actividáes, col raperu DORIS de Xixón y el grupu punk d'Avilés LAS MARACAS DE MACHÍN. El bonu de sofitu son 3 eurucos.


Al finalizar la manifestación dellos manifestantes denunciaron el siguimientu por parte de la policia española que montaos en motos, contradireición y montando peles aceres acosarón a los activistes hasta que foron identificaos cola sida de ser "un control rutinariu". Nel estáu español ser republicanu asturian* siguí siendo delitu.
Puxa Asturies republicana, socialista y soberana!

Noticia estrayía de Glayiu.

miércoles, 21 de octubre de 2009

Les fontes d'Uviéu y Xixón "sangren" nel 75 cabudañu de la fin de la revolución


La organización política de mocedá DARREU asoleyó un comunicáu onde desplica que desendolcó esta aición "pa facer alcordanza de la entrada nel país a sangre y fueu del exércitu de la segunda república tres la Revolución de 1934 y la represión xabaz que vendría dempués".

La organización independentista fexo una aición na nueche del llunes 19 d’ochobre, que consistió en facer que les agues de les principales fontes de la ciudá d’Uviéu y Xixón. A trés díes de los premios principiegos les fontes de seis places (Cruz Roxa, San Miguel, América, Escandalera y Castilla) apaecieron teñíes de roxu sangre y dos céntriques fontes de Xixón (la de Begoña y la de los patos). Les principales y más emblemátiques fontes de les dos ciudaes principales del país sangraron con esta llamativa aición reivindicacativa de la mocedá independentista na que xuncieron el recuerdu de la fin de la revolución asturiana y cola refuga de los premios príncipe díes enantes de la ceremonía d'entrega.

El finxu de facer que sangren les fontes ye’l facer alcordanza del fin de la revolución asturiana del 34 "y la entrada a sangre y fueu del exércitu de la segunda república española nel país pa desaniciar la República d’Obreros y Campesinos d’Asturies, incumpliendo los alcuerdos de paz roblaos ente Lopez Ochoa y Belarmino Tomás, xenerales de los exércitos enfrentaos.

Asturies desángrase

Daquella, la represión xabaz española fizo correr ríos de sangre del Pueblu, "sangre que tovia anguañu sigue escapándo" apuntando a les polítiques "neocolonianistes del Estáu Español pa con Asturies", que faen "qu’Asturies seya un ermu llaboral anguañu, a la cabeza nes tases de paru dientro l’estáu y la Comunidá Europea y con unes tases d’avieyamientu y emigración de la mocedá que recuerden a la de paises de los nomaos “tercermundistes”". Pa Darréu, la precariedá llaboral y la emigración forciada de la mocedá "a la que nos conderga l’estáu facista español, faen que’l sangre d’esti Pueblu, especialmente de la mocedá te perdiéndose peles resquiebres d’esti sistema capitalista que mos oprime como Trabayadores y como asturianos y asturianes, lo mesmo qu’hai 75 años".

Rechazu a los Premios Principe

Nel comunicáu Darréu remembra qu'amás esta selmana tien llugar n’Uviéu "la escenificación d’esta política de pan y circu", cola entrega de los “Premios Príncipe de Asturias”, unos premios que tienen como "únicu finxu la promoción y lexitimación del réxime borbónicu" y dende DARRÉU fain un llamau "al Pueblu Trabayador Asturianu" pa qu’asoleye'l "so rechazu a la familia real española, a los sos premios y a los abanderaos d’esta institución d’herencia facista", tamien encamienten a tola mocedá qu’acuda a la manifestación qu’entama l’Ensame República Asturina n’Uviéu esti prósimu Xueves 22 d’Ochobre".



Fonte: Infoasturies

miércoles, 14 de octubre de 2009

CSI-Mocedá fai alcordanza de la revolución asturiana


CSI- Mocedá va desendolcar, baxu’l lema “Ochobre 34-2009. Col vuesu exemplu facemos camín” dellos actos esti vienres 16 n'Avilés, cola sida’l 75º aniversariu de la Revolución d’Ochobre de 1934. Una concetración, una ofrenda floral y la proyeición de semeyes y documentos complenten la xornada d'alcordanza de la revolución "un fechu hestóricu pa toles y tolos trabajadores que nun tenemos d’escaecer enxamás, porque afitó un camín, nel cualu, la xunidá de tola clas obrera ye fundamental pa finar cola opresión de los seres humanos y meyorar les nueses condiciones de vida y trabayu".

"Col enfotu recuperar la historia de la llucha de los y les trabajadores, la nuesa propia historia, de la que tenemos de sacar les meyores esperiencies de cara al futuru", CSI Mocedá entama los actos qu'entamarán con una concentración pública a les 19:30 h., n’El Parche (pza. l’Ayuntamientu) d’Avilés. Darréu, llevaráse un ramu flores a l’antigua cárcele (anguañu, Oficina Turismo) n’alcordanza les presones que morrieren ellí comu resultáu de la represión desatada los díes que siguieren a la Revolución y, pa finar, na Plaza'l Sol va haber una proyección de semeyes y documentos del Avilés de la dómina.



Fonte: Infoasturies.

La CSI en solidaridá col sindicatu vascu LAB




La Corriente Sindical d'Izquierda amosó güei la so solidaridá pa col sindicatu abertzale de clas LAB, el cual sofrió una nueva agresión por parte de les FSE y la camarma xudicial del Estáu Español, sufrida na so sé social de Donostia.

La CSI caltién que simple militancia de clas y combativa pon a les organizaciones nel puntu de mira del Estáu y de la policia. Asina, informa a los controlos a los que LAB lleva sometíu demientres meses, y pide'l cese d'esti control policial sobre la aición y la llucha obrera n'Euskal Herría cola escusa de "llucha antiterrorista".

Trabayadores de Felguera Construcciones Mecániques se manifiesten pol despiu d'un sindicalista.



En Llangréu, un centenar de trabayadores de FCM, filial de Duro Felguera se manifestaron esta pasada mañana pol despíu d'un mienbru del Comité d'Empresa.
La empresa saltién que'l sindicalista nun pue trabayar por una enfermedá, sigún informes mélicos emitios dende la so mutua, d'otru llau, el trabayador asegura qu'otros informes lu avalen pa facer la so llabor.
El Comité d'Empresa tien pensao facer más movilizaciones, polo menos hasta esti 28 d'ochobre que se faiga'l xuiciu.

Andecha Astur entamó l'homenaxe a Belarmino Tomás y tolxs revolucionaries en Pando esti pasáu 12 d'ochobre.


Dellxs militantes y simpatizantes axuntaronse nel homenaxe anual qu'Andecha Astur fai nel cementariu de Pando( Llangréu) a Belarmino Tomás y tolxs muyeres y homes que defendieron al Pueblu Trabayador Asturianu ente 1934 y 1937. L'actu cellebrase ente'l 12 d'ochobre, actu onde l'españolismu festexa la conmemoración de la conquista sangrina de los pueblos americanos.





L'actu consistió nuna marcha al son de la gaita, una ofrenda floral, un mitin por Daniel Cueli y una intervención de Rafael Fernández Tomás, ñetu del que fuera llider del III Comité Revolucionario y Presidente del Conseyu Soberanu d'Asturies y Llión. El ñetu de Belarmino criticó fonderamente la xestión del PSOE y SOMA-UXT, calificandoles de caciques, y acusandoles d'escaecer la memoria d'ochobre'l 34 y ser la contta d'aquel PSOE anguañu.



L'homenaxe zarrose cola interpretación de " La Flor del Agua", cuando Rafael Fernández descubrió una placa n'honor del so güelu y d'aquella xeneración d'asturianos.






martes, 13 de octubre de 2009

Andecha Astur, a favor del preslle de 41 cuartones de la Guardia Civil


La organización Andecha Astur mostró güei, a traviés d’un comunicáu, el so apoyu a la iniciativa puesta en marcha pola Unión de Guardias Civiles (UGC) pa presllar 41 cuartones d’esti cuerpu de naturaleza militar nel país “siempre qu’esti seya un primer pasu pa la so retirada dafechu d’Asturies”, apunten. N’actualidá esisten 68 cuartones de la Guardia Civil nel territorio asturianu. Pal colectivu nacionalista, ésta ye una bona oportunidá pa la ellaboración “d’un calandariu qu’afite una fecha, la más prósima posible, na que la so presencia nel nuesu país nun seya más qu’una mala alcordanza definitivamente presllada”.

Asina mesmu, Andecha Astur considera “peroportuna” la fecha escoyía pola UGC pa reclamar esta medida a los mandos superiores de la Guardia Civil, que coincide col 75 aniversariu de la Revolución d’Ochobre de 1934.

Por contra, Andecha Astur ta a la escontra de la propuesta de la UGC de concentrar les plantíes nos cuartones restantes. Pa esti colectivu, la meyor solución ye “la progresible y ponderada sustitución por efeutivos democráticos asturianos que, lo más aína, sustituyan les funciones represives propies de la Guardia Civil por midíes d’atención y sofitu a la ciudadanía”.

domingo, 11 de octubre de 2009

22 d'Ochobre: Mani n'Uviéu escontra los premios principiegos y pola República Asturiana


L'Ensame República Asturiana convoca nuevamente esti añu una manifestación escontra los Premios Príncipe y pola República Asturiana, baxo'l llema "Premios Príncipe: ¿Quién lo decidió?"

La manifestación partirá de la Estación del norte d'Uviéu el 22 d'ochobre a les 22:00 hores.

Manifiestu República Asturiana:

Les persones y coleutivos que roblamos esti 'Manifiestu' queremos espresar lo que vien de siguío:

1) Asturies vive nuna situación antidemocrática dafechu, na que los valores republicanos y los derechos sociales y nacionales vienen siendo negaos y xabazmente reprimíos per parte del estáu español, formáu en Reinu.

2) Una de les espresiones sociales más significatives d'esti fechu ye la denomación institucional d'Asturies como "Principado", figura política impuesta a esti Pueblu qu'afala'l vasallaxe y el servilismu a una institución arcaica, elitista y antidemocrática cola qu'Asturies y les asturianes y asturianos nada ganamos nin tenemos nada que ver.

3) Oponémonos a cualquier tipu de réxime monárquicu, por ser ésti'l paradigma de la desigualdá social y la falta de derechos con impunidá llegal. Tampoco podemos escaecer que la designación del monarca español foi fecha durante'l franquismu, siendo ésti designáu y coronáu a deu directamente pol propiu dictador, ensin qu'entá viéremos enfotu dalu nesta institución predemocrática por pedir perdón tres cuarenta años de fascismu xenocida col beneplácitu del sistema llegal 'constitucional' actual.

4) Denunciamos el compromisu col capitalismu xabaz, asesín de tolos pueblos del mundu, que remanez de la monarquía española, siendo ésta garante de la defensa de les clases privilexaes y de la desigualdá económica, social y de derechos. Refugamos, tamién, les actitúes machistes, homófobes, represores y censores que surden dende la monarquía española, qu'afiten, una vegada más, el so orixe feudal y arcaicu, comportamientos mui estremaos a los que defendemos nosotres y nosotros.

5) Consideramos una humildación a Asturies la cellebración de los 'Premios Príncipe de Asturias', considerándolos una coartada pa 'llavar la cara' internacionalmente a la monarquía, faciéndola pasar por institución moderna y que respeta la cultura, visión mui alloñada d'una, muncho más cercana a la realidá, de 'familia de vividores a sueldu de toes y toos' que conocemos perbién y manipulando al traviés de los medios españolistes, al tiempu, la imaxe de la sociedá asturiana. Poro, nun podemos dexar de pidir la crítica pa los galardonaos por estos 'premios de pandereta', que faen el xuegu cómpliz a la monarquía española, nin dexar d'ablucar y protestar, tampoco, polos costes de les fartures 'reales' a cargu de los nuestros impuestos –nestos tiempos de crisis– , asina como de la situación d'estáu y ocupación militar y policial ostentoria que nel nuestru país se xenera con cualaquier 'visita' de los miembros d'esa familia 'real'.

6) Queremos afitar dende agora mesmo la necesidá d'articular y crear un movimientu republicanu asturianu que lluche pola lliberación d'esti país y refugue cualquier tipu d'opresión nacional y social, como la que constitúi la monarquía española y cualquier réxime monárquicu. Asina, namás entendemos un cambiu de modelu de país pa construyir una República Socialista asturiana onde los valores republicanos d'igualdá, llibertá, accesu a la cultura y llaicismu seyan los finxos que caltengan la nuestra llucha por una Asturies xusta y un mundu de pueblos llibres.

¡¡PUXA LA REPÚBLICA ASTURIANA, SOCIALISTA Y SOBERANA!!

jueves, 8 de octubre de 2009

MAÑANA VIENRES 9 ENTAMEN LOS ACTOS DEL DÏA DE LA MOCEDÁ REVOLUCIONARIO 2009.


MAÑANA VIENRES 9 ENTAMEN LOS ACTOS DEL DÏA DE LA MOCEDÁ REVOLUCIONARIO 2009

De magar les 17 hores, na Casa Sidical Xixón (cai Sanz Crespo):

- XORNAES INTERNACIONALISTES

- CHARRA-ALDERIQUE

- PRESENTACIÓN DOCUMENTAL

De magar les 21:00 Hores - L'Ayalga (Cai Prendes Pando)

- ESPICHA

- AMUESA FOLK

[12 d'ochobre] - Andecha Astur va a homenaxear a Belarmino Tomás.


Andecha Astur va homenaxear un añu más a Belarmino Tomás, presidente d'una asturies soberana y socialista.

El llunes 12 d'ochobre, Andecha Astur entama un actu en Llangréu d'homenaxe a Belarmino Tomás, presidente del tercer comité revolucionariu na Revolución Asturiana de 1934 y presidente del Conseyu Soberanu d'Asturies y Lleón d'agostu a ochobre de 1937.

L'actu d'alcordanza del Presidente Belarmino Tomás va ser a les 13:00 hores nel Cimenteriu de Pando y va consistir nuna marcha al son de la gaita, ofrenda d'un ramu de lloréu y un discursu.

martes, 6 de octubre de 2009

Darréu a la mocedá asturiano.

El PSOE intentó torgar el DMR'09 nun permitiendo cellebralu nel Conceyu de Llangréu

Dende la organización de mocedá revolucionario DARREU queremos dar a conocer la represión y les torgues que dende fai unos meses venimos sufriendo dende parte del Ayuntamientu de Llangréu, y de los d’otros conceyos, de cara a organizar el Día de Mocedá Revolucionario 2009 DMR’09, qu’esti añu amás coincide col 75 aniversariu de la revolución obrera de 1934.

Queremos informar a tola mocedá asturiano de la situación que mos fixo pasar l’Ayuntamientu de Llangréu nestes feches, chando p’atrás un proyeutu y un eventu que nos últimos 3 años venía cellebrandose en Llangréu, con un ésitu inegable y ensin dengún tipu de problema. Somos conscientes que parte d’esti ésitu movilizaor y organizativu ye’l que fixo al PSOE reprimir esti eventu.


El PSOE ye’l culpable de reprimir y torgar esti actu nel so conceyu, yá qu’esi día se-y da a la mocedá la oportunidá de salir a la cai y glayar y espresar los sos problemes y los sos esmolecimientos. Asina, el PSOE de Llangréu, encabezáu por Esther Diaz trata de torgar el DMR’09 nel so conceyu, sabiendo que la grandisima parte de los esmolecimientos y problemes de lxs xóvenes llangreanos y asturianos son culpa del so partíu, de lo qu’ellos representen, y nun xestu d’intolerancia política corten de raigañu esti eventu vindicativu y festivu, cola fin de tapecer les sos vergoñes.

Estes torgues crean na nuesa militancia un desgaste terrible, xusto lo qu’ellos busquen. Un desgaste qu’impida a la xuventú esmolecía dar el pasu a la movilización. La estratexa del PSOE, cola collaboración de policía y d’otres siegles del ayuntamientu nun foi otra que la represión. Pa entamar, un silenciu alministrativu alloriante, que dempués convirtiose en la ñegación de cualesquier permisu, y l’amenaza y cohación finalmente.

L’Ayuntamientu que diz representar a tolxs llangreanxs ñega’l permisu a Darréu de facer una serie d’actos que movilizaron a cientos y cientes de mozos y moces. Movilización qu’actos entamaos dende la alministración llocal raramente, o nunca algamaron tantu nivel de movilización como’l DMR. Nun hai otru motivu más que’l políticu y el mieu políticu pa que l’Ayuntamientu llangreanu recurra a torganos el DMR’09 nel conceyu y recurra a la represión. Represión que día a día medra nel conceyu y n’Asturies con más formes de xixilancia en direutu y con multes y más multes. Represión qu’intentó facer muncho dañu a Darréu ya intentó facer que’l DMR’09 nun se cellebrara.

Pero non, esti desgaste organizativu que sofrió Darréu nun ye mayor que’l de les ganes de sacar el proyeutu p’alantre. Del de les ganes de llucha, y asina, anque nun onde mos prestaría, Darréu va tornar a salir a la cai a espresar los esmolecimientos de la mocedá asturiano, Darréu va tornar a organizar el Día de la Mocedá Revolucionario, y va tornar a remenbrar lo que pasó nesti pais fai 75 años.

Curiosamente’l PSOE ye’l mesmu partíu que en Mieres va participar nunes xornaes sobre la revolución, y ye’l mesmu partiu que si que da permisu a otru eventu sobre’l 34 en Mieres , pero cola izquierda oficial ya interclasista na mesa. Esi ye’l PSOE, y el so doble raseru, la so doble cara. Nun ye lo mesmu’l DMR, de calter popular, qu’otros actos, onde va a sacar rentabilidá política y llavar la imaxen. Esta ye la falsedá de la FSA-PSOE, d’Esther Diaz, Trevín o Vicente Alvarez Areces. Estos son los caciques que mos gobiernen y esta ye la mena tan rastrera d’intentar desmovilizar a los mozos y moces que nin puen trabayar na so tierra, nin tan siquiera pensar y esmolecese cola situación a esti pasu.

Nin que dicir tien de les torgues n’otros conceyos d’Asturies a Darréu cola fin d’organizar el DMR’09, pero ye la ñegación del executivu llangreanu la que más mos esmolez.

Asina, más que nunca, pedimos a la mocedá asturiano salir a la cai los díes 9 y 10 d’ochobre en Xixón. Pedimos a la mocedá que-y de un güelpe al PSOE. Que-y amuese la so indignación y demuestre que con tolos pilancos que’l poder mos ponga nun van dexar que nós mos demos por vencíos, que callemos, que demos la batalla por perdía.

Nun van algamar qu’escaezcamos los nuesos raigaños revolucionarios, qu’escaezcamos el nuesu pasáu de llucha, y que dexemos de lluchar güei por intentar facer lo mesmu que los nuesos antepasáos fai 75 años: Finar con esti sistema d’esplotación del home sobre l’home. Finar col capitalismu y algamar el poder popular.

¡ PUXA’L DÍA DE LA MOCEDÁ REVOLUCIONARIO !

¡ PUXA OCHOBRE’L 34 !

¡ PUXA ASTURIES LLIBRE Y SOCIALISTA ¡

Darréu pidirá la llibertá de los sindicalistes xixoneses Candido y Morala nel DMR'09


Darréu pidirá la llibertá de los sindicalistes xixoneses nel DMR'09

Ente la nueva fase del procesu xudicial escontra los compañeros de CSI Candido y Morala dende DARREU queremos volver a asoleyar la nuesa solidaridá pa con ellos y denunciar el papel que xueguen PSOE ya IU. Dende DARREU queremos animar a la mocedá a participar activamente en cuantes movilizaciones se den en solidaridá colos sindicalistes represaliaos.

Dende DARREU queremos facer un llamáu a la participación nes convocatories d'esta selmana en solidariedá con Candido y Morala, que son les que vienen darréu: Martes 6 d'ochobre va ser na Plaza l'Ayuntmaientu a les 19:00 hores y el miércoles 7 d'ochobre a les 10.00 hores nos Xulgaos de Poniente.

DARREU nun va escaecer la vindicación de llibertá de Candido y Morala nos actos qu'entama con motivu del Día de la Mocedá Revolucionario 2009, los prósimos díes 9 y 10 d'ochobre en Xixón, sobremanera nel manifestamientu peles cais de Xixón y nel VIII Conciertu "Asturies nun escaez".

CANDIDO Y MORALA ¡ LLIBERTÁ !

domingo, 4 de octubre de 2009

Regalu de cd d'Adizión Etílika nel DMR'09.



Les primeres doscientes persones que merquen una consumición nel eventu van tener un discu de regalu.

El próximu sábadu 10 nel VIII Conciertu "Asturies nun escaez", de conmemoración de la Revolución de 1934 y d'homenaxe a los y les revolucionaries, que se cellebra na Casa Sindical de Xixón van distribuyíse de baldre 200 discos del grupu "Adizión Etílika" por cortesía del grupu.

Más info: http://www.darreu.org

sábado, 3 de octubre de 2009

Vidiu promocional del Día de la Mocedá Revolucionario'09.

Vidiu promocional del DMR'09, entamáu por Darréu los díes 9 y 10 d'ochobre en Xixón. Esti añu'l DMR remenbra la revolución de 1934 nel so 75 aniversariu.

Movilizaciones contra l’encarcelamientu de los sindicalistes Candido y Morala


La Corriente Sindical d’Izquierda va facer delles movilizaciones escontra la intención del Gobiernu del PSOE, d’Antonio Trevín (Delegáu del Gobiernu) y del Ayuntamientu de Xixón, d’encarcelar a los sindicalistes de la CSI, Cándido Carnero y Juan Manuel Martínez Morala, en represalia pol so llabor en defensa de los puestos de trabayu del seutor naval.

Estes movilizaciones van ser:

- Concentración pública: el martes, 6 d’ochobre de 2009 a les 19:00 h., na plaza l’Ayuntamientu de Xixón.

- Concentración pública: el miércoles, 7 d’ochobre de 2009, a les 10:00 h., nos xulgaos de Poniente de Xixón.


Más información na web de la CSI.



fonte: Aruelu.