Batallón Lenin ( Agostu de 1936).
El díi 7 d´Agostu de 1936, el Comité de Guerra de Sama, recibió un comunicau del Comité de Guipúzcoa nel que s´afalaba, cola mayor urxencia, un grupu de dinamiteros asturianos pa collaborar y echar un gabitu na defensa d´Irún. Pidieronse voluntarios y formose un grupu de 100 dinamiteros asturianos, que s´alcontraron nel teatru “Llaneza” de Sama, cola siguiente procedencia: 25 de Carbayín, 25 de Sama, 25 de Sotrondio y 25 de Llaviana. El grupu qu´entamó a nomase “Lenin”, diba´l mandu de Jesús de la Comba y colaron del teatru a les dos de la nuechi del díi 8, en tres camiones, de los que se xuntaron otros dos cargaos de dinamita. N´ Irún fueron recibios por el cabezaleru comunista Jesús de Larrañaga. Ye la primera vegada que Larrañaga va a trabayar con mineros asturianos y dende´l entamu el respetu y l´admiración polos mineros. Los asturianos taben equipaos coles meyores armes que disponien les milicies vasques: pistoles ametralladores “Mauser” y revolveres del 38. El grupu ye asignáu al frente d´ Urnieta, onde entamaron a lluchar. El material utilizau componiase de botelles de líquidu inflamable y tubos metálicos rellenos de dinamita. Un de les meyores aicciones que ficieron foi la volaura del ponte principal na carretera de Tolosa a Irán, que fadrá retrasar los movimientos de la columna militar que mandaba el teniente coronel Beorlegui. Participen na mayor parte de los combates de la defense d´Irún y conseguirán sin municiones, colar a zona francesa, dende onde sedrán repatriaos pol Gobiernu de la República. La columna regresó a Asturies a finales del mes d´Agostu; el grupu de Carbayín volvió a tierra asturiana colos cuerpos de dos compañeros caidos na tierra vasca (Carlos y Licinio), que fueron enterraos nel so pueblu. N´Irún combatieron voluntarios internacionaliegos na defensa del facismu, y xunto a ellos tuvo un grupu asturianos, que yeren veteranos de La Revolución d´ Ochobre de 1.934.
