jueves, 23 de julio de 2009

La mocedá independentista revolucionario énte'l 50 aniversariu del 26 de xunetu


Darréu participó ayeri na mani del Comité Asturianu contra'l Bloquéu y de solidaridá con Cuba, cuando se va cumplir el 50 aniversariu de la Revolución Cubana. Ellí repartíeron el testu que vien darréu:
"La mocedá independentista revolucionario énte'l 50 aniversariu del 26 de xunetu Otru añu más, y yá ye’l 50, cúmplese l’aniversariu del asaltu al Cuartel de La Moncada, en Santiago de Cuba, fechu que derrocó’l réxime de Batista gracies a la aición del Exércitu Rebelde. 50 años más tardi son munches les coses qu’asocedieron na pequeña islla caribeña. 50 años d’esperanza, d’algamar un suañu humanu que día a día avérase a la rialidá cola fuercia de la resistencia. Si, 50 años de resistencia, de llucha escontra l’imperialismu, sufriendo inumberables agresiones por parte del imperiu yanqui y desendolcando añu tres añu un proyeutu revolucionariu, un proyeutu socialista, alloñao de lo qu’impera nesti sangrín mundu capitalista, onde l’individualismu y l’egoismu tan presentes de continuo. Un proyeutu qu’entá güei alienda y resiste con más vitalidá que nunca gracies al enfotu que’l pueblu cubanu pon día a día en facer xoven la so revolución, pesie a les torgues del mundu capitalista vixente, comandáu polos Estáos Xuníos. Güei, cuando remenbramos aquel asaltu a La Moncada que fixo camudar l’orden de les coses, y que fixo que los más lo seyan too, y que l’imperialismu internacional sacara les sos manes de Cuba remenbramos tamién por desgracia la opresión que sufre’l proyeutu políticu, económicu y social cubanu. La opresión yanqui que difilculta’l camín al pueblu cubanu. Dende l’acosu terrorista y el bloquéu económicu, EEXX pretende frayar el suañu cubanu d’algamar la xusticia social ya igualitaria plena. Son munchos años yá de bloquéu ensín que Cuba se rinda, y esto ye lo qu’esmolez a los dirixentes occidentales neocapitalistes, los mesmos que son responsables (ente otros) d’una crisis capitalista que’n Cuba nun se nota gracies al so modelu, tan desfasáu pa dalgunos, pero que’l tiempu paez tar dando-y la razón, yá que nesti entornu capitalista la crisis medra y nun va aparar y en Cuba nun falen de crisis denguna. Esi mundu neolliberal esmolezse pol fechu de que’l pueblu cubanu nun ye ricu n’armes, nin ye una potencia económica, pero ye ricu n’idegues, en valores y en convicciones, y nun hai armes más poderoses pa un pueblu qu’estes trés. Delles capes “polítiques” d’EEXX y los sos socios, como Egpaña, falen de la falta de democracia en Cuba mentantu nos sos estaos tienen a miles de presos y preses politiques, hai censura nos medios de comunicación y la implicación de la ciudadanía na política lléndase a depositar un votu cada cuatru años. Demientres, nel país cubanu nada ye como cuenten los mass-media oficiales y la ciudadanía tien drechu direutu a escoyer los sos representantes continuamente, con una mayor participación ya influencia sobre la política nacional. Lo que l’enemigu capitalista quier tapecer y enmazcarar con mentires, ye’l mieu que tien a que’l mundu tome l’exemplu de Cuba y lu lleve a la prautica nun futuru. Tapecer los llogros del socialismu, de la democracia participativa y la braera figura de Fidel. A la par que los EEXX oprimen a la islla col bloquéu, ñeguense a da-y llibertá a los 5 cubanos patriotes presos n’EEXX pol fechu de ser socialistes revolucionarios.Como mocedá revolucionario y patriota desiximos la llibertá de los 5 presos políticos cubanos prindáos polos EEXX na solombra de les sos carceles. Desiximos el fin del bloquéu económicu pa que Cuba pueda avezase a tener total llibertá y soberanía y esto facilite’l proyeutu socialista que caltién. Camentamos que sedría un bon xestu de l’alministración Obama, yá que si tan progresista se considera, dexar d’intervenir na soberanía de cualesquier país. Pa finar, queremos da-y tol sofitu dende Asturies al pueblu cubanu por siguir faciendo esti noble camín, a Fidel, a Raúl y a toles presones que nel mundu conmemoren el 26 de xunetu como si de la so patria se tratara, porque la solidariedá internacionalista ye la ternura ente los pueblos.
PUXA CUBA SOBERANA; PUXA CUBA SOCIALISTA

PATRIA O MUERTE; SOCIALISMU O BARBARIE"

ASTURIES - COSTA DE MARFIL EN BALONCESTU


ASTURIES - COSTA DE MARFIL EN BALONCESTU

Va ser esti martes 28, a les 20 hores, nel Polideportivu de Lluanco. Ye'l debú de la nuestra selección de baoncestu.

TOOS A LLUANCO!
UNA NACIÓN, UNA SELECCIÓN!

estrayíu de Glayiu.