miércoles, 31 de marzo de 2010

Entamen una campaña pa pidir la oficialidá a les autoridaes españoles


La Xunta pola Defensa de la Llingua y Xuristes, entamen una campaña pa que l'Estáu siga les recomendaciones del Conseyu d’Europa y meyore’l status llegal del asturianu.

La campaña presentáronla güei Carlos Pulgar, miembru de la Xunta, y Xurde Blanco, secretariu de l’Aconceyamientu de Xuristes pol Asturianu, y quier que coleutivos y asociaciones firmen un documentu dirixíu al Conseyu de Ministros del Estáu pa que cumpla coles recomendaciones del Conseyu d’Europa sobre l’asturianu.

Eses recomendaciones foron recoyíes en 2008, nel últimu documentu del Comité d’Espertos sobre’l cumplimientu de la Carta Europea de les llingües minoritaries, roblada pol Estáu en 2001. Ente les cuestiones que recueye l’informe sobre l’asturianu, ta la resquiebra ente la demanda social y que nun seya llingua oficial, invitando a les autoridaes a contemplar, en collaboración colos falantes, la posibilidá de meyorar el nivel de proteición que tien l’idioma del país nel Estatutu d’Autonomía.

Pa Xurde Blanco, secretariu de Xuristes, el Gobiernu español lleva añu y mediu ensin cumplir col Conseyu d’Europa, organismu de defensa de los drechos humanos al que pertenecen 47 estaos. “Agora, un garapiellu de falantes y asociaciones vamos dirixinos al Estáu pa dici-yos que tamos equí y les instituciones tienen que cumplir colos nuestros derechos”, afirmó Blanco.

Pel momentu, 25 asociaciones culturales, deportives o de vecinos yá firmaron el documentu y agora quieren abrir la participación a los ciudadanos a títulu individual. “Pa ello, toles persones puen descargar el documentu pa dar voz a la comunidá de falantes énte los organismos europeos y el propiu gobiernu estatal”, apuntó Carlos Pulgar.

La campaña va dirixida al Conseyu de Ministros yá que según Xurde Blanco ye’l que nun ta cumpliendo’l mandáu y quien robló la Carta Europea de les llingües. Según el xurista “coles autoridaes asturianes hai poco que falar nesta materia, nun hai interlocutor”.

Tolos coleutivos o ciudadanos interesaos en sumase a la iniciativa, que va dir acompañada d’una fuerte promoción nos medios dixitales y al traviés de redes sociales como Ximiélga.me o Facebook, puen descargar el documentu na propia web de la Xunta.

Enllaz del documentu PDF : http://www.exunta.org/spip/IMG/pdf/FueyaFirmesOrganizaciones.pdf

martes, 30 de marzo de 2010

Concentración n'Aviles baxo'l llema " Tan afogándonos".


El prósimu vienres 9 d’abril, a les 19:30 h, n’El Parche (Pza. l’Ayuntamientu) d’Avilés, va tener llugar una concentración escontra la Reforma Llaboral qu’anguañu ta apautando’l Gobiernu cola patronal y los sindicatos CCOO y UXT.

Esta concentración ta convocada pola Corriente Sindical d’Izquierda, Partido Comunista de Asturies en Corvera, Fai!, Partido Comunista de los Pueblos de España, Unión Proletaria, Andecha Astur y Colectivos de Jóvenes Comunistes.

Cris, paru, precariedá, vivienda inasequible, despidu gratuítu, xubilación a los 67 años, reforma les pensiones, recortes na Seguranza Social... son dalgunos de los ataques a los y les trabayadores que se tan apautando nesta negociación de la Reforma Llaboral.

Darréu d’ello, estes organizaciones, y toes aquelles que quieran amestase, tienen l’enfotu de llevar alantre una movilización tolos meses, cola fin d’algamar qu’esta crisis nun la pague la clas obrera, sinon los capitalistes que la causaren y los Gobiernos que la permitieren.

Una delegación de Darréu va tar n'Euskal Herría ente los díes 1 y 4 d'abril .


La organización de mocedá independentista asturiana va tar presente los díes 1, 2, 3 y 4 d’abril en diferentes actos entamaos n’Euskal Herria.

Darréu va tar ente los actos más destacables nel Gazteherria y l'Aberri Eguna. El Gazteherria axunta a tola mocedá vasca pola independencia. El llema del Gazte d'esti añu ye: Vive'l suañu, construye la independencia.

Darréu tamién tará presente nel Aberri Eguna entamáu pola plataforma Independentistak, y que sedrá ente Irún y Hendaya.

Darréu quier " siguir afondando nes rellaciones cola mocedá independentista vasca y con otres delegaciones internacionalistes presentes".

Más información en www.darreu.org

lunes, 29 de marzo de 2010

Falando de Cuba, tapeciendo vergoñes propies


Dende va unes selmanes los medios de comunicación asturianos y estatales vienen tratando’l tema cubanu, y nun hebo novedá nel tratu dau a esi país.

La mayoría de los medios trataren y traten el tema dende una mestura de manipulación y d’ánimu de perxudicar y desprestixar tea o non xustificao.

Toos conocemos el sistema cubanu y la so evolución a lo llargo’l tiempu. Nun ye un sistema perfeutu nin muncho menos, pero ye de los pocos paises llatinoamericanos con sanidá y educación universal y ún de los seis estaos con mayor tasa d’alfabetización del mundu, amás de cuntar con unes garantíes sociales que, dientro de les sos carencies, tienen un nivel muncho mayor que’l de munchos de los países vecinos. Nel tarrén económicu la situación ye peor, dalgo normal en viendo l’embargu sufríu dende va cincuenta años. Esti nun xustifica pero sí desplica en gran midida la escasez de dellos productos y materiales.

Critícase la falta llibertá y el totalitarismu’l réxime, y dende llueu son aspeutos meyorables dientro d’un país que cunta con espacios de democracia direuta y toma de decisiones coleutives.

Ye cierto que’l fechu de que’l sucesor de Fidel seya l’hermanu ye, na mio opinión, un erru qu’emburria y xustifica munches de les crítiques llanzaes, asina como que se fale de Cuba como una “monarquía hereditaria” o que se compare’l so sistema col norcoreán, siendo estos fonderamente distintos.

Pero, ¿importa de verdá’l tema cubanu a los medios? ¿Critiquen a Cuba con ánimu constructivu, o col envís d’afondar na meyora d’esi país? La rempuesta ye que non.

El réxime cubanu molesta y irrita muncho dende’l so ñacimientu a les “democracies occidentales”, sobre manera al país capitalista por escelencia, Estaos Xuníos d’América. Falar y criticar al réxime cubanu tien un oxetivu claru: tapecer les faltes y vergoñes del réxime propiu.

Pa min un mediu que ye cómpliz de la represión llingüística, del retrocesu nos drechos de la clas trabayadora, de los recortes y privatizaciones amazcaraes de servicios y prestaciones sociales, del somorguiamientu de los pueblos baxo la llarga mano del neolliberalismu globalizador y qu’en munchos casos sofita o xustifica güelpes d’estáu y otres aiciones con beneficiu económicu nun tien nenguna llexitimidá pa falar d’otros sistemes - seyan meyores o peores que’l propiu.

Lo lóxico sedría mirar pal embeligru propiu, falar de les inxusticies y desigualdaes del nuesu réxime y tratar d’iguales, de que nes rellumantes y perfeutes democracies capitalistes tortúrase, viólense drechos básicos como’l d’autodetermín, somórguiase’l bientar social a la rentabilidá económico, tapécense y xustifíquense casos de corrupción, o vese como dalgo normal qu’esistan países onde millones de persones nun tienen accesu a dalgo tan básico como la sanidá. Sicasí, ye muncho más cenciello mirar pa otru lláu y tapecelo colo que cuadre.

Esta vegada tocó-y a Cuba, otres tóca-y a Venezuela, otres a un militante independentista que ye acusáu ensin pruebes de terrorismu…Too ye válido demientres se cumpla l’oxetivu: tapecer les vergoñes propies coles ayenes. Y si de de pasu báltiase un réxime incómodu, muncho meyor.

Adrián Calvillo.

La xusticia al aviesu


La sentencia del Xulgáu de lo Contencioso-Alministrativo númberu 3 d’Uviéu que-y ñega al collaciu Xurde Blanco’l el drechu a pidir permisos en llingua asturiana ye una xuntanza d’afirmaciones y razonamientos restorcíos colos que’l Xuez paez poner más enfotu en desprestixiar al funcionariu qu’en resolver en xusticia, dándo-y la vuelta, colo de dientro pa fuera, al xacíu xurídicu. Asina:

1º. Nun xuiciu valor inalmisible nun Muérganu Xudicial, el Maxistráu Carbajo afita que’l recurrente “parece moverse por el único interés de interferir en el buen funcionamiento de la Administración para la que presta sus servicios, y a cuyos intereses debe atender, con lealtad y probidad”. Tala “perversa actitú” xustifícala’l Maxistráu na afirmación de que l’ausencia por enfermedá fasta tres díes nun requier solicitú de permisu sinón xustificación a posteriori del tratamientu mélicu, lo que, cenciellamente, ye mentira, acordies colo que establez el réxime de permisos de los funcionarios, reguláu nel artículu 17.2, del Decretu autonómicu 6/2004.

Poro, el Maxistráu imputa a Xurde Blanco una conducta illícita cuando lo que fizo ye xustamente cumplir dafechu cola llegalidá pidiendo’l permisu correspondiente.

2º. Na mesma llinia d’imputar inxustamente, el Maxistráu Carbajo acusa a Xurde Blanco de pretender “menoscabar el principio de autoridad de sus superiores, y que en buena lógica debería haber dado lugar a la correspondiente corrección disciplinaria”, por mor de si cumplió o non con una instrucción que nun s’espublizó en nengún sitiu. Imputación improcedente y absurda si se tien en cuenta que l’alderique del pleitu nada tenía que ver cola conducta del funcionariu sinon col drechu del mesmu a emplegar la llingua asturiana, col sofitu de la llei y en condiciones d’igualdá colos demás trabayadores. Y lloñe de reconoce-y al recurrente talu drechu, como debió facer en cumplimientu bonal del Autu del Tribunal Constitucional de 25 de febreru, el Xuez dedícase a acusar al funcionariu con imputaciones pa les que nun-y dio ocasión de defendese, conducta que bien pue ser calificada como una infracción grave, de la que ye autor el Xuez, y que ta tipificada nel artículu 418.6 de la Llei Orgánica del Poder Xudicial, que sanciona l’emplegu nes resoluciones xudiciales d’espresiones innecesaries o improcedentes, estravagantes o claramente ofensives o irrespetuoses dende’l puntu de vista del razonamientu xurídicu.

3º. Pa finar nun queda sinón calificar de grotescu’l que s’acuse de perxudicar el furrulamientu del Serviciu Xurídicu del Principáu d’Asturies a ún de los dos (de diecisiete) únicos Lletraos d’esi muérganu que s’atopa en situación regular porque llegó al puestu per concursu de méritos, cuando’l Xefe del Serviciu, que tanto cellebra la sentencia, y tolos demás Lletraos y Lletraes, tan ellí con nomamientos a “deu” y en comisiones de serviciu irregulares per plazu superior al másimu llegalmente establecíu.

Conceyu por Otra Función Pública n'Asturies

La esquierda plural refuga la Llei d'Usu de la llingua asturiana.


El gobiernu de la "izquierda plural" vien de discriminar a un ciudadanu asturianu y nesti casu funcionariu por usar la llingua asturiana na Alministración Pública contradiciendo con ello la Llei d’usu del asturianu aprobada nel mandatu de Serxu Marques.

El xuez Carbajo nuna sentencia vien de contradicir l’Autu del Tribunal Constitucional que n’aplicación a la Llei d’Usu sofitó l’usu del asturianu na alministración Pública, ya que paez que dende’l Tribunal Cimeru de Xusticia d’Asturies (TCXA) de la mano del xuez Carbajo la decisión ye contraria.

El Gobiernu asturianu sofita la sentencia

Lo más ablucante ye la rempuesta del Gobiernu asturianu ya que sorrayó nuna nota de prensa al rodiu de la sentencia del xuez Carbajo que "el comportamiento del funcionario que presentó el contencioso parece moverse por el único interés de interferir en el buen funcionamiento de la Administración" , nun nidiu despreciu escontra la nuesa llingua.

Tala sentencia vien a dicir que si’l denunciante actuara como ciudadanu podría unviar escritos n’asturianu, demientres trabayando como funcionariu los escritos que remita como lletráu tienen de dir en llingua castellana. Esto supón na praútica un tapecimientu implícitu del usu de la llingua asturiana na Alministración Pública y un incumplimientu de la Llei d’Usu del asturianu.

Dende los diferentes miembros del Gobiernu namás nel Bloque dixo tar a la contra de la sentencia. Bloque por Asturies sorrayó que "hai una "estructura ultraderechista" na xudicatura, al fallu del xuez Miguel Ángel Carbajo, nel que desestimaba un recursu del abogáu del Principáu Xurde Blanco Puente, contra la denegación d’un permisu llaboral por solicitalu n’asturianu".

El voceru del BA, Pablo Fernández defiéndese de la nota de prensa unviada pol Gobiernu asturianu sorrayando que la decisión de sofitar la sentencia contra l’usu de la llingua ye asuntu d’un seutor de la FSA.

viernes, 26 de marzo de 2010

El xuez Carbajo fai guerra sucio escontra la llingua asturiana


El xuez usa un votu particular del Tribunal Constitucional escontra la llingua d'Asturies. D'esos votos 9 son los favoratibles a la sentencia del TC de fai unes selmanes. Asina'l xuez CarbaJo destapa la so astur-fobia, anque nun ye nuevu n'el.

Espertos en drechu yá ficieron estes últimes hores declaraciones manifestando'l so refugu a la sentencia de CarbaJo, y quedando ablucaos. Pa Leopoldo Tolivar Alas " ye mui chocante" la sentencia del xuez.

Asina, CarbaJo sofitase nun votu escontra nueve pa torgar l'asturianu nes comunicaciones coles alministraciones públiques n'Asturies. Esti mesmu xuez autorizó construyir viviendes a escasos metros de los monumentos prerománicos del Naranco, n'Uviéu. Monumentos patrimoniu de la humanidá. Esti xuez ponse l'axrtivu el solu, en pocu tiempu aprebando la complicidá pa cola destrución del patrimoniu asturianu material y torgando la llingua asturiana, dos agresiones al patrimoniu cultural del país.

L'Aconceyamientu de Xuristes pol Asturianu ya anunció que va recurrir la sentencia y entamar midies llegales escontra'l xuez CarbaJo.

jueves, 25 de marzo de 2010

Comentariu d'Urxencia a la sentencia del Xulgáu de lo contencioso-alministrativo 3 d'Uviéu


El Xuez Carbajo vien de fallar contra Xurde Blanco, funcionariu al que-y negaron un persmisu pa operase por tar n’asturianu, ensin tener en cuenta l'Autu del Constitucional de va pocu. Énte esta sentencia de 22 de marzu, Xurde Blanco, al traviés del AXA, fai un comentariu urxente y anuncia que va recurrise la sentencia y exercese escontra'l Xuez Miguel Ángel Carbajo Domingo "les aiciones procedentes".

COMENTARIU D’URXENCIA A LA SENTENCIA DEL XULGÁU DE LO CONTENCIOSO-ALMINISTRATIVO NU 3 D’UVIÉU DE 22 DE MARZU

1. Cambéu de criteriu el Xuez inxustificáu.

L’artículu 35 de la Llei Orgánica 2/1979, del Tribunal Constitucional, establez que cuando un xuez albidre qu’una norma con rangu de Lley aplicable al casu pueda ser contraria a la Constitución dependiendo’l fallu d’ello, pue plantegar la Custión d’Inconstitucionalidá, tres "xustificar en qué midida la decisión del procesu depende de la validez de la norma en custión".

Poro, cuando’l titular del Xulgáu númberu 3 de lo Contencioso-Alministrativo plantega la Custión d’Inconstitucionalidá escontra l’artículu 4 de la Llei d’usu del asturianu, enantes de dictar sentencia nuna demanda plantegada por Xurde Blanco, un funcionariu al que nun se-y tramitó un permisu pa sometese a "pruebes cardiolóxiques nel Hospital Xeneral d’Asturies", esclaria nel Autu al respeutu que: " "para el caso de que este Juzgador estimase el referido motivo de impugnación como vulneración del derecho al procedimiento (recordemos que la resolución deniega la tramitación del expediente), debería apoyarse en el citado precepto, siendo lo cierto que el mismo presenta visos de inconstitucionalidad. Así, en caso de considerarse constitucional el art. 4 de la Ley 1/1998, de 23 de marzo, en los términos en que se consideran válidas y eficaces las comunicaciones que dirijan los administrados en bable/asturiano ante la Administración del Principado, el fallo sería estimatorio de la pretensión del recurrente; y en caso de considerarse inconstitucional el citado art. 4 de la Ley 1/1998, de 23 de marzo, por considerarse que establece una oficialidad del bable/asturiano, el fallo sería desestimatorio de la pretensión del recurrente". Se advierte seguidamente que los diferentes Tratados y Convenios internacionales citados por el actor no despejan las dudas que suscita la constitucionalidad del precepto legal cuestionado ya que "ninguno de los instrumentos internacionales invocados reconoce el derecho a la oficialidad de la lengua aquí concernida ni desplaza o deroga las previsiones constitucionales o legales sobre el cauce formal para la implantación del régimen de oficialidad o cooficialidad de las lenguas en el Estado Español en los términos pretendidos por el recurrente".

El Plenu del Tribunal Constitucional resuelve la custión per autu de 25/02/2010 afitando la constitucionalidá del artículu 4 de la Llei 1/1998, del que, arriendes d’ello, espresamente diz que "Contemplada la norma con otra perspectiva, su principal virtualidad consiste en privar de toda discrecionalidad a la Administración autonómica a la hora de aceptar las comunicaciones que reciba en esa lengua. De la obligación de tramitar tales escritos se deriva la validez de éstos a todos los efectos administrativos...".

L’asuntu paecía resueltu porque nun quedaba más que’l Xuez diere la sentencia acordies colos términos nos que plantegó la custión, porque sinón ¿pa qué entamó too esti asuntu, que yá dura tres años y costo-y un montón de perres al contribuyente?, ¿pa entretenese?.

Pero non. Tornáu’l casu al Xuez –el mesmu qu’autorizó la constuición d’una casa a pocos metros de los monumentos prerrománicos del Narancu- ésti afita que nun se pue "invocar lo recogido en la fundamentación jurídica del citado Auto, ya que no se adentra en el análisis de la distinción entre funcionarios/ciudadanos a los efectos de la aplicación de la norma" (páxina 14 de la sentencia) y con eso, pel un llau, y trayendo "a colación lo recogido en el voto particular del Auto del Tribunal Constitucional" (páxina 13 de la sentencia), ún énte diez, per otru, faciendo de so los argumentos d’esi votu particular y perdedor (que quier negá-y la condición de ciudadanu al funcionariu, lo que los otros nueve votos nun almiten), da una sentencia contraria al reclamante. Nin que dicir tien que’l Tribunal Constitucional dixo lo que dixo persabiendo de qué diba’l pleitu y la condición de funcionariu del actor, por eso solliña, al referise a la la norma cuestionada, que "su principal virtualidad consiste en privar de toda discrecionalidad a la Administración autonómica a la hora de aceptar las comunicaciones que reciba en esa lengua", cosa qu’entiende cualquiera ensin nenguna dificultá quitando a los que quieren dinamitar la Llei d’Usu y la Carta Europea de les Llingües Rexonales o Minoritaries faciendo distingos que nes mesmes nun tan: funcionariu, non; ciudadán, sí. Ciudadán doctorandu; non, ciudadán, a pelu, sí. Custiones d’importancia, non; caxigalines, sí. Caxigalines empobinaes d’Illustrísimes p’arriba, non; p’abaxo, sí. Y asina... ad nauseam.

Y too esta ensin que naide faiga casu a los mandaos de la Carta Europea de les Llingües Rexonales o Minoritaries, conveniu internacional promovíu pel Conseyu d’Europa, robláu per España nel añu 2001, milenta vegaes invocáu pel Xurde Blanco y que sin dir más lloñe, nel so artículu 7.1.d) obliga a los países roblantes a sofitar la so política, llexisllación y práutica na "facilitación y/o espardimientu del emplegu oral y escritu de les llingües rexonales o minoritaries na vida pública y na privada", drechu "imprescriptible, acordies colos principios conteníos nel Pautu Internacional de los Drechos Civiles y Políticos de les Ñaciones Xuníes, y d’alcuerdu col espíritu del Conveniu del Conseyu d’Europa pa la proteición de los Drechos Humanos y de les Llibertaes Fonderes".

2. Graves acusaciones innecesaries, inxustes y sofitaes n’afirmaciones inciertes feches pel Xuez escontra’l funcionariu recurrente.

Pa mayor escarniu el Xuez vierti -de forma innecesaria, inxusta y afitada n’afirmaciones inciertes- unes graves acusaciones escontra’l funcionariu recurrente: "parece moverse por el único interés de interferir en el buen funcionamiento de la Administración, para la que presta sus servicios, y a cuyos intereses debe atender, con lealtad y probidad" (páxina 18 de la sentencia), "en una actuación que pretende menoscabar el principio de autoridad de sus superiores, y que en buena lógica debería haber dado lugar a la correspondiente corrección disciplinaria" (páxina 16 de la sentencia).

Asemeyada acusación pretende sofitala’l Xuez en dos afirmaciones falses:

1ª. Que nun fai falta permisu p’ausentase del centru de trabayu col envís d’asistir a un actu mélicu programáu, mecigayando pa ello dos coses perestremaes como son la xustificación por nun presentase al trabayu énte la necesidá d’asistencia mélica imprevista (que nun desixe más qu’esclariar la veracidá de l’asistencia), cola necesidá de pidir permisu pa una asistencia melica conocida antemanadamente y que tendrá llugar en hores de trabayu, lo qu’obligará a ausentase del mesmu.

Necesidá de permisu, nesti segundu casu, que ta perfeutamente recoyida na normativa funcionarial, llaboral, na práutica de toles alministraciones y nos impresos al efeutu.

2u. Que Xurde Blanco "se obstina en contravenir flagrantemente la Instrucción (que como ya hemos dicho es firme y consentida) al seguir presentando las solicitudes de permisos y licencias en una lengua no oficial"), cuando lo cierto ye que’l Tribunal Superior de Xusticia d’Asturies, na so sentencia númberu 218/2008, de fecha 10-09-2008, quíta-y cualquier valir a la tala instrucción interna del Serviciu Xurídicu, xustamente en rellación con Xurde Blanco, porque "no consta notificada en legal forma al mismo... lo que conllevaría a dejar sin efecto la argumentación jurídica contenida en la sentencia recurrida, en cuanto señaló que no efectuó impugnación alguna contra dicha instrucción" (fundamentu de drechu segundu).

Nin que dicir tien que va recurrise la sentencia y exercese escontra el Xuez Miguel Ángel Carbajo Domingo les aiciones procedentes.





Aconceyamientu de Xuristres pol Asturianu

martes, 23 de marzo de 2010

Vicentín Alvarez Areces- Trolololo

Santu Adrianu y los demás infieles, por Vítor Suárez


Va unos díes apaeció nos medios de comunicación l’anuncia de que’l Conceyu d’Avilés diba tener aprobada la so toponimia en dalgo más d’un mes. Una bona noticia, ensin dulda. El tercer conceyu d’Asturies en población va facer visible, a la fin y a lo menos en teoría, la toponimia real, esa que tantos años foi torgada y tapecida.

Pero dalgo rincha nel trabayu d’oficialización toponímica y ye qu’esta anuncia vien seis meses depués de l’aprobación del últimu espediente, el que regulaba la toponimia de Parres (BOPA del 14-IX-2009). Daquella, nomes como; Les Arriondes, Deu o Cibidiellu pasaron a ser oficiales, y asina, el procesu de normalización toponómica debía siguir espardiéndose nos demás conceyos, como ye’l casu de Santu Adrianu. Esti conceyu, nesi mes de setiembre, tenía cásique peracabáu’l so procesu, cola toponimia yá aprobada en plenu y acabando marzu vemos que non solu nun s’avanzó nesta cuestión sinón qu’un conceyu que taba más atrasáu nesti tema, como ye Avilés, va aprobar primero’l so espediente.

Pal que nun conoza’l trabayu a desendolcar pa facer oficial la toponimia, esplicolu darréu cola información que mos ofrez la Oficina de Política Llingüística nel so web:

1. El conceyu solicita l’entamu del espediente. La Xunta Asesora de Toponimia (XAT) ta emplegando la fórmula de la voluntá del propiu conceyu pa entamalu, magar que pueda anicialu d’oficiu. De si esta ye la forma afayadiza de facelo falaremos depués.

2. La Conseyera de Cultura entama los trámites.

3. Garrando como referencia’l nomenclátor de l’ALLA, la XAT encarga a espertos propios o esternos comprobaciones sobre’l terrén.

4. Celébrense les sesiones oportunes de la XAT con representación de delles estayes.

5. Primer dictame de la XAT que se fai llegar al Ayuntamientu.

6. L’Ayuntamientu fai llegar les observaciones al primer dictame.

7. Dictame definitivu de la XAT que se fai llegar al Ayuntamientu.

8. Aprobación en Plenu del Ayuntamientu de la llista toponímica pautada cola XAT.

9. Conformidá del Ayuntamientu. L’Ayuntamientu fai-y llegar a la XAT copia del acuerdu.

10. La Conseyera de Cultura tramita’l decretu a Conseyu de Gobiernu.

11. El Conseyu de Gobiernu aprueba’l Decretu d’oficialización.

12. Publicación del Decretu nel BOPA. Entrada en vigor al otru día.

Ye dicir, que’l conceyu de Santu Adrianu de los doce pasos que tenía qu’andar, va seis meses, tenía andaos ocho y d’entós p’acó o nun foi quien a dar esos cuatro que-y queden o diolos pero faltanos esa información, que’l Conceyu d’Avilés si asoleyó. Hai que tener en cuenta que ye ún de los conceyos más despoblaos d’Asturies, que quiciás nun tengan muncha actividá política, que puedan tener “problemes más importantes” o que carezan la torga de nun tar inxertos en nengún Serviciu de Normalización Llingüística, pero estes coses nun faen que’l Conceyu seya nin menos asturianu nin ayenu a la normalización del idioma, nesti casu al traviés de la toponimia. Esta tardanza y dexadez merecen esplicaciones.

Amás d’esti datu sobre un conceyu específicu, nun ta de más esplicar la situación na que s’alcuentra anguaño la normalización de la toponimia entamada nel añu 2004:

* · De los 78 conceyos asturianos 63 tán trabayando o trabayaron cola XAT:

40 d’ellos tán yá cola toponimia oficializada, el yá mentáu Santu Adrianu col espediente aprobáu en plenu, 15 conceyos fixeron sesiones de trabayu pa revisar la toponimia y otros 7 alcuéntrense nuna primer fase de revisión de la toponimia (dalgunos como Uviéu lleven años aparaos nesta revisión).

* · Per otru llau, y 6 años depués, 15 de los 78 conceyos asturianos nun solicitaron espediente toponímicu nengún.

Estos son los que vienen darréu, coles responsabilidaes polítiques de caún d’ellos ente paréntesis:

Cabrales (PSOE-URAS), Candamu (PSOE), Cuaña (PP), Cuideiru (PSOE), Eilao (PSOE), Muros (PSOE), Navia (PSOE-IX-LV-BpA), Onís (PSOE), Peñamellera Alta (PP), Peñamellera Baxa (PP), Pravia (PSOE), Les Regueres (PSOE), Santiso d’Abres (PSOE), Sotu’l barcu (PSOE) y Villayón (PP).

Esta ye la normalización del asturianu de PPSOE y la del cumplimientu de pautu de gobiernu afirmáu por IX-LV-BpA en materia de política llingüística. Equí ye onde entra la cuestión de ¿cómo ye posible que la XAT, depués de 6 meses o depués de 6 años, nun tire de les oreyes al conceyu o conceyos en cuestión que nun cumplan cola Llei d’Usu (“constitucional dafechu” como dixo Xurde Blanco y afirmó el TC español), que-yos obliga a “recuperar” los nomes espoliaos?

La problemática y los responsables tán claros. Les soluciones y la fin d’esti procesu -de minimos- paecen que van tardar en llegar, solo mos queda puxar y esixir responsabilidaes. Yo pola mio parte yá lo fici. ¿Súmeste?

lunes, 22 de marzo de 2010

Fai! tuvo na concentración escontra la cimera de la comisión d'emplegu de la UE n'Uviéu


La organización d'esquierda soberanista acudió al llamáu de la Corriente Sindical d'Izquierda, que xunto con otres organizaciones polítiques asturianes convocaren una movilización de rempuesta urxente énte la cellebración d'una comisión d'emplegu de la UE n'Asturies.

Fai! tuvo presente con una pancarta na que se lleia "El capitalismu ye siempre crisis", n'alusión a les consecuencies directes d'aplicación del modelu neolliberal dende'l so aniciu, nun pudiendo escaecer que lo que pa dalgunos países anguaño ye una quiebra económica, pa la mayor parte de la población del planeta bien implicando esplotación, esclavitú y represión.

La cimera de la UE n'Uviéu enllenó les cais de la capital de policía qu'identificó de contino a toles persones "sospechoses", centrándose n'estudiantes y persones de determinaes condiciones sociales, que pasaben cerca del Hotel Reconquista, torgando'l pasu a esa zona a munches d'elles, insultando y faltando al respetu de ciudadanes y ciudadanos de manera clasista.

A la fin, más d'un cientu de persones tuvieron presentes na movilización glayando consignes como "La Unión Europea esplota y bombardea" o "Asturies sálvase lluchando".

Fabada escontra la represión


El muerganu antirrepresivu SOFITU entama'l prosimu Sabadu 27 de Marzu una xinta popular nel centru social Sestaferia de Xixón cola fín de siguir faciendo frente a gastos represivos.
Por 10 € podrase esfrutar d'una bona fabada y de postres caseros amás de la sidra que tamién ta incluyía.
P'apuntase namái qu'hai que pasar pel C.S.Sestaferia o unviar un correu elleutronicu a: sofitu@nodo50.org

viernes, 19 de marzo de 2010

Documental " Ochobre'l 34: Memoria d'un país.

Ya pue vese na rede'l documental fechu dende la organización de mocedá Darréu. El documental foi autoxestionau y produciu por ellxs mesmos y foi presentau nel 75 aniversariu de la revolución d'ochobre. Sigún Darréu quieren dar una visión diferente a la de " la esquierda oficial". Dexamos equí'l documental en Youtube en 3 partes y la descarga direuta dende Megaupload.








Enllaz megaupload: http://www.megaupload.com/?d=MASDJRW4

Encuesta alredor la oficialidá.


La encuesta que nos últimos diés plategamos nel blogue tuvo unos resultaos poco optimistes. Naide escoyó la opción " si, dexuru qu'aportará". Paez ser que les coses tiren más pa lo pocu optimista. Les opciones " Duldolo peor teo esperanza" y " Nin de coña, la FSA ye muncha FSA" repartense cauna un 42% de la encuesta. Por otru llau solo un 15% afirma que la oficialidá aportará col nuevu estatutu acompangada de la nacionalidá hestórica.


Drechos nacionales p'Asturies ¡ Darréu !

jueves, 18 de marzo de 2010

El PAS quitase la mazcara( de nuevu).


El Partíu Asturianista, encabezáu por Xuán Xosé Sanchez Vicente robló un sofitu a la campaña anticubana, que trata de defender a los presos " políticos" cubanos y atacar al gobiernu cubanu. Dende'l PAS dicen que les conversaciones cola plataforma favorecen que la llingua asturiana tea presente tamién na campaña " pola lliberta en Cuba".


El PAS considera a Cuba como " réxime autoritariu y represor". Dende'l Partíu Asturianista dicen que " Orlando Zapata morrió por tar en fuelga por lluchar escontra los crímenes cometios por Fidel y Raul Castro". Asina tamién dende'l PAS falen que en Cuba ye pernecesariu un procesu de democratización.


Torna l'anticomunismu/socialismu qu'amuesa'l PAS cada vuelta que sal a la lluz el tema de Cuba. Ye curiosu qu'entren a formar parte d'una plataforma en sofitu a los presos "políticos" cubanos, pero a la par inoren los presos cubanos de conciencia qu'hai nos Estaos Xunios. Sigue siendo raru que falen de democratización pero enxamás caltuvieran crítica denguna escontra la falta de drechos civiles qu'hai nel Estáu español.


Enxamás falaren más ellí de la oficialidá o del autogobiernu p'Asturies, demientres dientru l'Estáu español( y d'Asturies) hai censura y piesllense medios de comunicación. Tampocu falen de los cientos de presos políticos qu'hai anguañu nes carceles estatales y n'Asturies.


Tampocu falen del terrorismu d'Estáu, nin de la represión policial. Enxamás tuvieron nos movimientos sociales escontra la represión sufrida polos ciudadanos y ciudadanes que son críticos col Estáu español y cola situación pre-democrática d'Asturies. Nunca tuvieren enriba de situaciones como la muerte de David Blanco na comisaría de Xixón o de les tortures que se dan nes carceles estatales.


Nun falen del seguimientu policial qu'hai nel movimientu patriota asturianu por que eso yá nun sal de baldre denuncialo. Eso yá supondría esponese al pelligru, a moyase'l culu. Lo comodu ye falar de la supuesta falta de drechos qu'hai en Cuba y mirar pa otru llau o allegrase de cuando a ún asturianu llevenlu a la Audiencia Nacional por motivos braeramente políticos. Esi ye'l papelón del PAS, el de defender el réximen mundial occidental del neolliberalismu imperante, onde nun hai sitiu nesti mundiu a paises como Cuba, onde'l pueblu ta por delantre de les cuentes en la bolsa de dalgún gran propietariu de capital.


Asina, en resumies cuentes, atopamonos al Partíu Asturianista de siempres. Un partíu de drecha ultra lliberal y ultra conservadora mazcaritáu con eso que tan de moda ta de ser de centru. Un partíu que pasa absolutamente de la problematica social qu'hai n'Asturies, que pasa de los conflictos llaborales, que pasa de la represión al movimientu dixebriegu. Que ta nel llau de la patronal y l'institucionalismu, nun ta nel llau de les capes populares y los movimientos políticos y sociales alternativos. Un partíu que siempres avergoñose y tapeció la revolución asturiana. Un partíu que tamién tien otra mazcara, la del nacionalismu. Nacionalismu que xustifica con un ranciu folklorismu, que güei, a añu 2010, nun valmos a les asturianes y asturianos.


Pola Independencia y el Socialismu: Dexemos morrer al PAS tranquilu.


FRAYANDO CADENES

martes, 16 de marzo de 2010

Fai! realizó delles intervenciones artístiques y reivindicatives el día de la muyer


La organización Fai! salió a les cais d'Uviéu y Xixón pa engalanar seis estatues con mensaxes qu'afondaben na necesidá de superar les situaciones de desigualdá machista.

Asina, aprovechando la temática espeyada nes estatues, representábense comportamientos machistes a cargu de militantes de Fai! demientres s'espardíen cientos de panfletos desplicativos sobre la llucha antipatriarcal pola igualdá de drechos sociales pa muyeres y homes.

En Xixón escoyéronse les obres de "la madre del Emigrante" -con un gran símbolu feminista nel brazu-, "l'emperador Augusto" -esplumadera en mano- y "l’eloxiu del horizonte", onde s'instalaron cartelos nos que se podía lleer, en cada casu, "nun tamos lloques, namás somos feministes", "vini, vi y ficiéronme la cena" o "esti retrete vas llimpialu tu, King Kong".

D'otra banda, n'Uviéu les intervenciones reivindicatives fueron nes estatues de "el torero", "el culu" y "la maternidá de Botero", onde se fixeron representaciones con militantes antroxaos de la organización que calteníen comportamientos machistes. Les estatues taben engalanaes nesta ocasión con con cartelos nos que se lleía "el machu español querémoslu n'estincíon", "si nun te presta'l mio culu mírame a la cara" o "si nun criare sola a les nueses fíes y fíos yo tamién podría vivir".

De la mesma manera, yeren espardíos panfletos con un testu col que Fai! apuntaba que’l 8 de marzu taba marcáu pola discriminación tresversal de la sociedá d’anguaño pa coles muyeres y polos discursos institucionales y autocomplacientes de los gobiernos de turnu.

Apuntando que n’Asturies, la situación de la muyer sigue siendo humildante en toles estayes de la sociedá. “La dignidá de les muyeres sigue siendo violada nel día a día de les televisiones y otros medios de comunicación que na so mayor parte namás nos tienen por maniquíes y oxetos domésticos y sexuales”, del mesmu mou que “sigue ensin tenese en cuenta y poné-y remediu al réxime d’esclavitú no que cinca al llabor caseru y, nel so casu, a la educación de les fíes/os, lo que fai de les muyeres trabayadores ensin retribución nin xubilación (nin siquiera a los 67) nin vacaciones pa toa una vida”, señalaben.

Nel casu de les muyeres qu’acceden al mercáu llaboral la situación nun ye muncho meyor pa la organización, “nesti contestu neolliberal agresivu pa coles/os trabayadores, les muyeres siempre tienen les de perder y equí nun podemos dexar de llau a les nueses compañeres inmigrantes, que son la pata de bancu más feble”.

Fai! camienta que nel 2010 les muyeres siguen ensin ser verdaderamente dueñes del so cuerpu, “nun sólo no qu’a la vergoñosa violencia machista, que considera a les muyeres como dalgo más de la so propiedá, se refier, los sectores reaccionarios de la ilesia siguen aneciando en meter el cazu na llibertá de les persones obligándonos a tragar cola so hipócrita y rancia moral cristiana”, afirmen.

Fai! recuerda que nun hai drechos sociales pa miles de muyeres en tol mundu, “nin siquiera una migayina de llibertá pa protestar pola situación vergoñosa énte la que los gobiernos occidentales abocanen y miren pa otru llau, al tiempu que siguen permitiendo la inxusticia”.

lunes, 15 de marzo de 2010

Esto lo iguamos ¿ " ente toxs" o "ensín ellos" ?


Una iniciativa ciudadana surde escontra la campaña oficialista estosololoarreglamosentretodos.org pa denunciar l’oportunismu gubernamental y empresarial como tresfondu de la mesma.

Estosololoarreglamossinellos.org ye la rimpuesta social a la campaña estosololoarreglamosentretodos.org que tien ente los sos enfotos, según los sos opositores, una visión complaciente coles causes y los causantes de la crisis que son los mesmos qu’agora presenten nes sos cuentes beneficios millonarios otra vuelta mientres les cifres del desemplegu nel Estáu español sigue xorreciendo.

Dende esta iniciativa social quieren poner de manifiestu que Facebook censuró’l so grupu nesta rede social, esborriandolo, cuando en pocos díes algamara más de 17.000 seguidores. Pesie a ello, surdieron grupos paralelos que lleven yá más de 30.000 seguidores.


Fonte: Aruelu.

viernes, 12 de marzo de 2010

Torna'l GAL... o terrorismu d'Estáu.


Otru asesinatu d'estáu callau dende les poltrones y los mass-media oficiales. Jon DEP.


Prohibida la concentración del Movimiento Social Republicano, grupu neonazi.


El Movimiento Social Republicano calificó de "la falta de rigor democráticu" de la Delegación del Gobiernu por prohibir la concentración que pretendíen celebrar mañana n'Uviéu.

Según los manifestantes esta falta de rigor "débese a que la Delegación del Gobiernu cedió a les presiones que grupúsculos d'estrema esquierda, violentos y descontrolaos, realizaron convocando una contra-manifestación pal mesmu día nel mesmu llugar, pa reventar un actu públicu en pro de los drechos sociales".

El MSR alcuentra "llamentable que se ceda al chantaxe de grupúsculos que presumen de llibertarios cuando en realidá representen la represión y la censura más escures dende los tiempos del estalinismu".

A lo último, el MSR aseguró que convocó según los procedimientos llegales una concentración pacífica y polos drechos de los trabayadores. "El grupúsculu de violentos convocó una marcha illegal contra la nuestra", añadieron.

Posibilidá d'enfrentamientos

La Delegación del Gobiernu decidió prohibir la concentración convocada pa mañana sábadu a les 12 na Plaza l’Ayuntamientu baxo'l lema 'El trabajo: un derecho antes que un deber'. Según el gabinete dirixíu por Antonio Trevín “hai constancia de que se podíen producir enfrentamientos violentos y un riesgu xeneral pa la paz ciudadana”.

Dende Delegación de Gobiernu, aseguren que la decisión vien pola conocencia de que dellos grupos “d'estrema esquierda” teníen entamaes aiciones de boicot y que, amás, taben espublizaes al traviés de delles páxines d'internet.

Amás, apunten a antecedentes n’Asturies d’enfrentamientos “ente grupos d’estrema drecha y d’estrema esquierda” p’afitar razones fundaes pa prohibir una concentración que podría traer “una alteración del orde públicu”.

jueves, 11 de marzo de 2010

Miles de canarixs manifiestense pola independencia del país insular.



La capital canaria foi testigu d'una hestórica manifestación xunitaria en pro de de la lliberación de Canarias. Unes 3000 persones tomaron les cais pa vindicar la desconolonización del archipielagu.




L'independentismu canariu algamó un manifestamientu hestóricu pese a les torgues y la campaña de desprestixiu y criminalización que fexo la prensa d'ellí. La marcha foi siempres detrás d'un baberu col llema " Descolonización e Independencia".


Los convocantes salieron satifechos de la convocatoria y dixeron que foi pa ellos una victoria y un pasu alantre na normalización del independentismu canariu. Siguiran col camín xunitariu qu'entamaren nel añu 2009 con estes manifestaciones.


Nuevu casu d'acosu policial escontra un independentista


"El muérganu antirrepresivu Sofitu vien de denunciar nos xulgaos a un policía español por acosar a un militante independentista, miembru de Darreú, el pasáu 4 de marzu nel cientru d'Uviéu. Dase'l casu qué'l denunciáu ye'l mesmu que fae menos d'un mes toviera un xuiciu na capital asturiana por otru casu mui asemeyáu, nel que l'acosáu tamién yera militante independentista.
El policía ye un conocíu ultraderechista uvieín, conocíu nos ambientes fuboleros y con delles denuncies anteriores pola so rocea pa cola izquierda dixebriega asturiana. Esta vegada tres reconocer a la so víctima y seguila dende'l coche patrulla, paráromlu en plena cai Uría pa identificalu y cachealu ente la espectación de la numberosa xente que pasiaba. Tres ñegase a dar desplicaciones por dichu control, el policía español tamién se ñegó a enseñar el so númberu de placa, llegando a golpiar na man al mozu cuandu ésti apuntaba la matrícula del coche patrulla, mentantu lo amenaciaba con que sedría denunciáu, anque nun se sabe por qué.
Esti ye un casu más del acosu y la impunidá con que los miembros de los cuerpos represivos españoles tan actuando escontra el movimientu independentista asturianu. Dende Sofitu facemos un llamamientu pa denunciar xudicial y públicamente estos fechos pa intentar que fechos como ésti nun se repitan.
Puxa Asturies Llibre, Puxa Asturies Socialista."

Fonte: Glayiu.

martes, 9 de marzo de 2010

Aición de Fai! - Refuga a la concentración contra l'albuertu


Fai! rializó una aición na concetración contra l'albuertu del pasáu 7 de marzu na Plaza la Escandalera (Uviéu). Concasando cola viéspora'l día la Muyer (8 de marzu),

Militantes de Fai! acudieron con una pancarta faciendo risión de les idegues rancies y hipócrites del paternalismu español

Na pancarta lleíase (sic): "Los rrojos se comen a los niños, yo lo bi" ridiculizando la barbarie moralista cristiana de los convocantes.

Al tiempu, repartiéronse panfletos onde nún primer testu se defendíen postures escontra'l divorciu, l'accesu de la muyer al trabayu remuneráu o los preservativos, que yeren acoyíos con muncho interés polos presentes al actu ultraderechista.

El panfletu fina con un testu n'asturianu qu'esclaria que la defensa d'eses postures ye impropia de mentes sanes y termina cola frase: "Agora yá nun manden sobre les muyer los escritos d'hai 2000 años. Agora mandamos nosotres".

La pancarta ye aceptada con incomprensible normalidá polos presentes demientres una bona parte del actu, fasta qu'entamen les agresionen per parte d'una docena de presones qu'aborden per detrás y pelos llaos cuando éstos entamaron a glayar "¡fetos sí!

Entamen les pataes y puñetazos de los machistes énte una pancarta que la prensa taba grabando, rompiéndola pela metá y emburriando pa contra la carretera a los militantes, que nun entraron nes provocaciones violentes una vegada cumplíu l'oxetivu de tener l'atención de los medios.

"¡luego nos llaman extrema derecha..!."

Col nuesu cuerpu, NOSOTRES decidimos.

Contra'l machismu
REVOLUCIÓN DE XÉNERU !! [*+ ]

Enllaz del vidiu: http://www.youtube.com/watch?v=Ueb4pusaHac


Fonte: www.fai-asturies.org

lunes, 8 de marzo de 2010

Encuesta nel blogue.


Dempués de munchu tiempu ensín espublizar una encuesta decidímonos a facelu de cara a la reforma del Estatutu. Ente la más que posible reforma del Estatutu na prósima llexistatura queremos ufiertar a los internautes una entruga de cara a ellí: ¿ Crees qu'aportará la oficialidá col nuevu estatutu ?. Hai 9 dies pa votar, y a ver como tamos o dexamos de tar d'optimismu o pesimismu/realismu. ¡ Salú ya dixebra !

El Tribunal Constitucional diz que la Llei d'Usu del Asturianu ye constitucional y afita a esta mesma.


El TC avala asina l'emplegu de l'asturianu oral o escritu nes comunicaciones cola alministración.

Dempués de la reclamación del Xulgáu de lo Contencioso Alministrativo d'Uviéu, que ponía d'inconstitucional la LLei d'Usu del Asturianu del añu 1998, el Tribunal Constitucional del estáu español afitó qu'esta reclamación nun tien denguna base llegal.

Too esti conflictu vien d'un recursu que presentó Xurde Blanco en 2007 escontra la Conseyería. El mesmu Xurde Blanco nunes declaraciones dixo que yera " una vergoña" la situación y dixo d'Areces y el so gobiernu que son " el Gobiernu d’Areces, el mayor enemigu de la llingua asturiana".

Asina el Tribunal Constitución considera obligatoria la tramitación de da-y soluciones a los escritos y peticiones dende l'alministraciones a los escritos y propuestes en llingua asturiana.

Resulta curioso enforma que tea que ser el TC el que tea que dedicase da-yos tirones d'oreyes a los acomplexaos de Gobiernín Asturianu. Que tea que ser dende fuera'l país d'onde vengan estes bones noticies en relación cola nuesa llingua nacional.

Comunicáu de Darréu ente'l Día de la Muyer.


La organización xuvenil asoleya güei, 8 de marzu un comunicáu na so páxina web coincidiendo col Día Internacional de la Muyer. El comunicáu ye'l siguiente:


Darréu énte'l Día de la Muyer Trabayadora

Darréu ye una muerganización política asturiana de mocedá, y defínese independentista y d´esquierdes, pretendiendo ser un referente del nacionalismu y l´independentismu coherente, d´esquierdes. Y comu tal, creyemos que nel capitalismu, el ser homanu nun ye más qu´otra de les munches mercancies coles qu´intentar aportar a un rendimientu económicu favorable, llegar a un beneficiu. Y esto agrabase nel fechu, de que, la muyer, amás de sofrir estes explotaciones, ye un coleutivu vulnerable porque sigui padeciendo les consecuencies d´una sociedá patriarcal y machista dafechu.

Esti patriarcáu ye ún de los pegoyos d’esti capitalismu en cris. Caltenemos esto, pol simple fechu qu’esta desigualda dica la muyer cimienta la opresión de clas, yá que a la mesma vegada que la muyer tien de lliberase comu clas popular, tien que lliberase d’estos prexuicios sexistes, que la condicionen de mena negativa na llucha pola emancipación de la clás trabayadora y polo tantu, esti machismu patriarcal ye una torga más escontra la nación que naguamos construyir. Una Asturies llibre y socialista. Poro, puntu y final, valió. Entamando por ún mesmu, educandomos nel díi a díi, dende casa, dende la to familia, collacios. Evitar, refugar y condergar dafechu esti tipu de conductes. Poniendomos comu exemplos d´esti cambéu a nós mesmos. Dende Darréu, col nuesu oxetivu que creyar una Asturies de ciudadanos llibres ya iguales desiximos el fin d’estes conductes, dende’l pueblu, yá que ensín el cambeu dientru de la base de la sociedá nun podremos valtiar esti patriarcáu sexista y facer un mundiu llibre de prexuicios y opresión.

¡Escontra’l sesismu dengún pasu atrás! ¡Puxa la muyer trabayadora!

La Ruta contra'l Racismu percorrió les cais d'Uviéu


La Ruta contra'l Racismu y la represión, que conformen una veintena de coleutivos, manifestáronse protestando pola orde unviada en xineru pol Ministeriu español del Interior a las comisaríes de polícia "tovía más dura que la reforma de la Llei d'Estranxería" y que supón "un escándalu pola vulneración de drechos fundamentales qu'implica detenciones preventives y espulsiones esprés".



Dende la Ruta contra'l racismu, critiquen al delegáu del Gobiernu español n'Asturies, Antonio Trevín, porque "les redaes policiales y los unvíos d'inmigrantes a Centros d'Internamientu d'Estranxeros recrudecíéronse y foron decenes les persones unviaes a Centros de Internamientu d'Estranxeros d'Aluche (Madrid), al de Zona Franca (Barcelona) o a otros CIEs pa tramitar la so espulsión".

jueves, 4 de marzo de 2010

La prensa españolista torna a tomala con Fer.


Nos momentos mas duros de la guerra de los irlandeses por reunificase col restu d'Eire la primer ministra d'Ingalaterra, Margaret Tatcher, ordenó a la televisión que la voz de los cabezaleros del SINN FEIN nun se sintiere pela tv. Los medios britanicos ficieron de dobladores de los irlandeses repitiendo pallabra per pallabra blincandose asina la llei y pa poder dicise periodistes y non titeres del gobiernu. Quiciavis esti fuera de les ultimes acciones dignes d'aquellos que se dicen informadores.

Tristemente, güei en dia esta situación repitese pa colos asturianos disidentes del rexime que mos vemos condegaos a nun ser cubiertos polos medios nes nueses actividaes y pola contra somos siempre prexulgaos y llinchaos publicamente nos mass media. Solo mos queden los nuesos medios (contrainfos, cartelos, pegatines...) pa dar a conocer el nuesu puntu de vista y les nueses idees de llibertá y xusticia.

Fernando Gonzalez "Fer" ya vivió esta situación d'indefensión cuando, la prensa hispana n'Asturies, ya lu declaró culpable enantes del so xuiciu n'audiencia nazi-onal sigún-yos dictaba Antonio Trevín. Agora, depués de quedar absueltu de l'acusación de terrorismu, de nun poder demostrar que fuere a poner el "bichu" na sé del PSOE y de que cayesen les acusaciones de la brigada d'información polos 19 ataques vuelven los ataques a esti compañeru.

El prósimu xueves 11 de marzu Fer va a averase al país vecín a esplicar les sos esperiencies baxo la llei antiterrorista convidáu pol coleutivu charru "ACCIÓN ANTIFASCISTA SALAMANCA". Hasta equí too normal pero agora los mass media mas reaccionarios vuelven a tomala con él inorando la sentencia de l'audiencia nazi-onal llamandolu terrorista o autor de 19 atentaos, escaeciendo que Fer foi xulgáu y nun foi declaráu terrorista en nengún momentu y nin xulgáu por esos 19 ataques.

Asina atopamos xoyes como:

"Un terrorista y el abogado del ultra del Olympique invitados a la Universidad de Salamanca"

"Invitan a un terrorista a la Universidad de Salamanca"

"Un terrorista y un abogado de ultras, invitados de la Universidad de Salamanca"

"102 DÍAS CON EL TERRORISTA..."

Dende SOFITU solo queremos amosar la nuesa solidaridá pa con Fer, con Erlantz Ibarrondo (abogáu del ultra marsellés deteníu nun partíu frente l'Atleticu de Madrí) al que tamién se-y inxuria nos medios, con Accion Antifascista de Salamanca y con CEA (sindicatu estudiantil de la ciudá charra) que nun tién nada que ver cola charra pero que tamién ye llinchada nos medios hispanos.
Tamién queremos aplaudir la rempuesta del decanu de la Facultá de Xeografía ya Historia Valentín Cabero Diéguez que se ñega a ceder énte les presiones d'estos medios reaccionarios del españolismu mas cañí y mos prestaria que nel mundu del asturianismu mas xente tomase exemplu d'esti paisanu y nun se dexase influyir polos que dempues ellos mesmos denuncien como parte d'esti rexime clientelar que padecemos.
Pa finar afitar la idea de que los asturianos y la llibertá nun tienen sitiu n'esta españa de la burguesia, de los borbones y del gobiernu centraliegu onde los pueblos siguín siendo trataos como una colonia mas de Madrí. Estos medios hispanos nun faen mas que danos la razón.

Fonte: Glayiu.

Manifestamientu escontra'l racismu y la represión n'Uviéu.



El sábadu 6 de marzu a les 13:00 hores manifestación n'Uviéu, dende la estación de Renfe, contra'l racismu y la represión. Numberosos colectivos de inmigrantes xunto con organizaciones de izquierdes d'Asturies convoquen una protesta contra la reforma de la llei d'extransería, pola despenalización del top-manta, pol cierre inmediatu de los CIES y contra'l fin de las expulsiones dende Asturies.

lunes, 1 de marzo de 2010

Darréu entama unes xornaes pol Día de la Muyer trabayadora



Darréu entama esti prósimu fin de selmana les II Xornaes "Trabayadora Güei, Trabayadora Siempres". La organización de mocedá independentista ufierta delles actividades el vienres 5 y el sábadu 6 de marzu empobinaes na llucha escontra’l patriarcáu y el machismu vixente. Con estes xornaes, Darréu quier "ufiertar a la ciudadanía asturiana, sobremanera a la mocedá, un espaciu escontra los roles machistes y sexistes que vivimos n’actualidá dientru’l modelu capitalista".

El vienres 5 de marzu, nel Chigre L’Ayalga de Xixón, a partir de les 20:30 hores va proyeutase dellos curtiometraxes escontra’l machismu y abordando’l tema de la la llucha escontra’l patriarcáu, el feminismu revolucionariu y la violencia machista. Dempués de la proyeición habrá una espicha en L’Ayalga a precios populares.

El sábadu 6 siguen les actividaes d’estes xornaes. Por un llau, a les 12:00, en La Felguera va faceser un mural reivindicativu cola temática d’estes xornaes. Pela tarde, en Xixón, Darréu entama una riestra de charres-alderique nos llocales de la Corriente Sindical d’Izquierda, na Casa Sindical. Les charres , que van zarrar les xornaes tan orientaes a la situación de los movimientos feministes y les diferentes visiones del feminismu. Dende’l marcu xuvenil al marcu sindical o llaboral. Asina Darréu quier guetar "un espaciu abiertu p’aldericar sobre les problemátiques d’anguañu de la sociedá patriarcal na que vivimos".

Con estes xornaes dende Darréu tamién quier reivindicar "como de toxs la llucha que caltienen munchxs muyeres y homes pa finar con esta sociedá sexista, patriarcal y esplotadora".

Estrayíu d'Infoasturies.

El partiu nazi MSR manifiestase’l próximu 13 de Marzu na plaza del aytu d’Uviéu.


"Democracia Nacional ya nun ye la moda, agora ye’l Movimiento Social Republicano y el so discursu confusionista el que llogro englobar a tola estrema drecha más ortodoxa y fanática del nazismu.
El proximu Sabadu 13 convoquen una concentración “por el derecho al trabajo” simultaneamente con otros actos facistes en Sabadell y Madrí.


Ante esti actu y a la gueta de refugar el mesmu la Coordinadora Antifacista d'Asturies convocamos un conceyu abiertu el próximu Xueves 4 de Marzu nel arcu la vieya, Uvieu al que tais toos convidaos"


Fonte: Glayiu.

ASTURIES ANTIFACISTA